საქონლის კოდის გარდაქმნა-ხშირად საქონლის მიღება მომწოდებლისაგან ხდება ყუთების (კოლოფების) სახით, ხოლო შედგომში რეალიზაცია ცალობით (ან წონით). ასეთ შემთხვევებში მიმართავენ საქონლის კოდის გარდაქმნას (ბუღალტერია => საბუთის დამატება => კოდის გარდაქმნა), რომლის მეშვეობით შესაძლებელია საქონლის ზომის ერთეულის შეცვლა-ყუთებით მიღებული საქონლის გადაყვანა ცალობაში (ან კილოგრამებში). ამ დროს სრულდება სტანდარტული საბუღალტრო ოპერაცია. ოპერაციის შესრულების შედეგად სრულდება ერთი ბუღალტრული გატარება:

1. დებეტი-1640 კრედიტი-1630 (მზა პროდუქციის მიღება რეცეპტით).

სისტემაში შესაძლებელია მომხმარებელს მივანიჭოთ ან შევუზღუდოთ წვდომა ოპერაციის შესრულებაზე (ადმინისტრირება=>უფლებების მართვა), თუ მომხმარებელს წვდომა აქვს ოპერაციის შესრულებაზე, შესაბამისად ხელმისაწვდომი უნდა იყოს მისთვის საბალანსო ანგარიშების გამოყენებაც, რომელიც დაკავშირებულია აღნიშნული ოპერაციის შესრულებასთან. 

საქონლის კოდის გარდაქმნის ოპერაციის შესრულებამდე, აუცილებლობას წარმოადგენს შემდეგი მოქმედებების შესრულება:

• პირველ ეტაპზე იქმნება ახალი შტრიხკოდი დაშლილი საქონლისათვის. მისი შექმნა ხორციელდება ცნობარებიდან (ცნობარები => რეგისტრირებული);
• უნდა შევასრულოთ დასაშლელი საქონლის გადატანა (შიდა გადაადგილება) დაუმთავრებელი წარმოების საწყობში (მიმღები საწყობი-1630; გასავლის საწყობი-1610);

ოპერაციის ასაწყობად იქმნება შაბლონი, რომელზეც ჩაბმულია ფორმა 1008 (მზა პროდუქციის მიღება), ზემოთ აღწერილი მოქმედებების შესრულების შემდეგ "საბუთის დამატების" ბრძანების გამოყენებით ხდება ოპერაციის არჩევა, შედეგად ეკრანზე გამოდის ფორმა "მზა პროდუქციის მიღება": 

 

ფორმის ზედა ნაწილში განთავსებულია მენიუს ზოლი სტანდარტული ბრძანებებით, მის ქვემოთ კი ძირითადი სვეტები, რომლებიც თავის მხრივ ფორმაში ფილრტის საშუალებას გვაძლევენ, ხოლო ანალიზური ანგარიშების არჩევის და ფილტრის მოხსნის ბრძანების გამოყენებით ფორმაში განთავსდება კრედიტის სვეტში მითითებული ანალიზური ანგარიშის ნაშთები ცხრილის სახით (დაუმთავრებელი წარმოება). ფორმაში გამოტანილია ჩანართი"რეცეპტი", რომელიც საქონლის კოდის გარდაქმნის დროს არ გამოიყენება (შესაძლებელია ჩანართის დამალვა). 

ფორმასთან მუშაობას ვიწყებთ სვეტების შევსებით:

• ოპერაცია (Combo box)-ოპერაცია არჩეულია ავტომატურად;
• ოპ. თარიღი;
• შიდა ნომერი;
• გარე ნომერი;
• დებეტი (Combo box)-მზა პროდუქციის საწყობი;
• კრედიტი (Combo box)-დაუმთავრებელი წარმოება;
• გამოსაშვები პროდუქტები (Combo box)-სვეტში ვირჩევთ დაშლილი საქონლის შტრიხკოდს;
• რაოდენობა-სვეტში ხელით იწერება დაშლილი საქონლის რაოდენობა;
• კოდი-გამოსაშვები პროდუქტის კოდი;
• ვადა-პროდუქტის ვარგისიანობის ვადა.

 

სვეტების შევსების შემდეგ მოქმედებებს ვაგრძელებთ მენიუს ბრძანებების დახმარებით:

• გასვლა;
• ფილტრის მოხსნა-მისი გამოყენებით ცხრილში გამოჩნდება ყველა ის საქონელი, რომელიც გადატანილია დაუმთავრებელი წარმოების საწყობში;
• გადათვლა-საქონლის კოდის გარდაქმნის ოპერაციის შესრულებისას ბრძანება არ გამოიყენება;
• შენახვა- ბრძანების გამოყენების შემდეგ ეკრანზე გამოდის შეტყობინება: "დავასრულო ოპერაცია?", დადასტურების შემთხვევაში (OK), ეკრანზე გამოდის ახალი შეტყობინება*:

 

დადასტურების (Yes) შემდეგ შესრულდება საქონლის კოდის გარდაქმნის ოპერაცია და ეკრანზე გამოვა ახალი ფანჯარა ნახვის რეჟიმში. ფანჯარას აქვს მენიუ ბრძანებებით: ბეჭდვა და გასვლა. 

საქონლის კოდის გარდაქმნის ბუღალტრული გატარების ნახვა შესაძლებელია „გატარებულ საბუთებში“ ან „პირად ბარათებზე“. 

 

* შენიშვნა: შეტყობინება "რეცეპტი დარღვეულია" გამოდის იმიტომ, რომ ოპერაციაზე ჩაბმულია მზა პროდუქციის რეცეპტით მიღების ფორმა (ფორმა 1008). 

 

იხილეთ აგრეთვე: 

 

ცხრილი (Grid), 1008-მზა პროდუქციის მიღება, გატარებულ საბუთები,პირად ბარათები, საქონლის გადატანა, რეგისტრირებული.