რეცეპტები არის ცნობარების მენიუს ბრძანება, რომელიც შედის ჯგუფში „საქონელი“ (ცნობარები => რეცეპტები). მისი დანიშნულებაა:

• სისტემის ცნობარებში მზა პროდუქციის რეცეპტის შექმნა;
• საქონლის დაშლა შემადგენელ კომპონენტებად;
• წარმოების სახარჯი მასალების გადანაწილება წარმოებულ მზა პროდუქტზე;
• წარმოების პროცესისათვის თნმდევი იმ ხარჯების გადანაწილება მზა პროდუქციაზე, რომლის უშუალოდ მიკუთვნება თვითღირებულებაზე არ ხდება;
• პაკეტური საქონელის საშუალებით შესაძლებელია რამოდენიმე საქონლის გაერთიანება და რეალიზაცია მხოლოდ აპექსის-სალაროს საშუალებით;
• მზა პროდუქციის რეპორტი.

ბრძანების ღილაკი წარმოადგენს ჩამონათვალის ღილაკს: 

 

 

1. საქონლის წარმოების რეცეპტი: ღილაკზე დაჭერის შემდეგ გამოდის ფორმა-„რეცეპტები და შტრიხკოდები“. ფორმა გამოიყენება წარმოების პროცესისათვის. ფორმიდან იქმნება რეცეპტი მზა პროდუქციის მისაღებად, შესაბამისად კომპონენტებს, რომელსაც დავამატებთ "საქონლის წარმოების რეცეპტში" წარმოების დროს სისტემა გაითვალისწინებს რეცეპტში შემავალი ინგრედიენტების რაოდენობას და შესაბამისად მოხდება მზა პროდუქციის თვითღირებულების გაანგარიშება. 

ვიდრე შევქმნით საკუთარი წარმოებისათვის საქონლის რეცეპტს, საჭიროა:

1. წარმოების პროცესით გამოსაშვები საქონლის რეგისტრაცია (ცნობარები => საქონელი => რეგისტრირებული);
2. წარმოების პროცესით გამოსაშვებ საქონელზე მიბული მწარმოებლისათვის ჩავრთოთ ღილაკი (ალამი) „საკუთარი წარმოება“;
3. წარმოების პროცესით გამოსაშვებ საქონელს მივაბათ ის მწარმოებელი, რომლისთვისაც ჩართული გვაქვს ღილაკი (ალამი) „საკუთარი წარმოება“.

 

ფორმის გაფილტვრა შესაძლებელია შემდეგი ელემენტებით:

• მწარმოებელი (Combo Box)-უზრუნველყოფს ცხრილის გაფილტვრას მწარმოებლის მიხედვით;
• კატეგორია (Combo Box)-ცხრილს ფილტრავს საქონლის კატეგორიის მიხედვით.
• მხოლოდ აქტიური-ჩამრთველი ღილაკის ამორთვის შემთხვევაში ფორმაში გამოდის რეგისტრირებული საქონლის ჩამონათვალი (შეჩერებული საქონლის ჩათვლით), რომელ საქონელსაც მწარმოებელში მითითებული აქვს საკუთარი წარმოება, ღილაკის ჩართვის შემთხვევაში ფორმაში განთავსდება, მხოლოდ აქტიური საქონელი.

ფორმას აქვს მენიუ სტანდარტული ბრძანებებით:

• განახლება;
• რედაქტირება;
• გასვლა.

ფორმა შედგება ორი ნაწილისაგან:

• მარცხენა ნაწილი-განკუთვნილია საქონელის ჩამონათვალისათვის, სადაც მოცემულია საქონლის მახასიათებლები და მწარმოებლები. სვეტებში ჩართული ღილაკი-ჩამრთველი (ალამი) გვიჩვენებს, რომ ამ საქონლისათვის შექმნილია რეცეპტი;
• მარჯვენა ნაწილი-განკუთვნილია თითოეულ საქონელზე შექმნილი რეცეპტის თვალსაჩინოებისათვის, ანუ მარჯვენა ნაწილი განიცდის ცვლილებას, მარცხენა ნაწილში დაფიქსირებული საქონლის რეცეპტის და მასში შემავალი კომპონენტების მიხედვით.

საქონლის ახალი რეცეპტის დასამატებლად, ვაფიქსირებთ ფორმის მარცხენა ნაწილში იმ საქონელს, რომელზეც დგინდება რეცეპტი და ვსარგებლობთ მენიუს ბრძანებით „რედაქტირება“, ეკრანზე გამოვა ფანჯარა-„პროდუქტის შემადგენელი კომპონენტები“: 

 

ფანჯარას აქვს შემდეგი ველები:

1. საქონელი-არჩეულია ავტომატურად ("რეცეპტები და შტრიხკოდები"ფორმის მარცხენა ნაწილში დაფიქსირებული საქონლიდან გამომდინარე) ;
2. მისაღები რაოდენობა-შეგვყავს რეცეპტით გამოსაშვები საქონლის რაოდენობა და ვიყენებთ გრაფაში განთავსებულ შენახვის ბრძანებას. მისაღები რაოდენობა მეტი უნდა იყოს ნულზე;
3. სავარაუდო თვითღირებულება-სავარაუდო თვითღირებულების დათვლა ხდება ავტომატურად.

ფანჯარის მენიუს აქვს ბრძანებები:

• დამატება-ბრძანების გამოყენების შედეგად ეკრანზე გამოდის დიალოგური ფანჯარა-„ჩანაწერი“:

 

ივსება ფანჯრის გრაფები:

1. საქონელი-ვირჩევთ საქონელს (კომპონენტს), რომელიც შედის გამოსაშვები პროდუქტის რეცეპტში;
2. რაოდენობა-გრაფაში იწერება რეცეპტში შემავალი საქონლის (კომპონენტის) რაოდენობა;
3. შენიშვნა-კეთდება სასურველი ჩანაწერი;
4. დასაშვებია ავტომატური წარმოება (ღილაკი ჩამრთველი)-ღილაკის ჩართვის შემთხვევაში სისტემა ავტომატურად ჩამოწერს რეცეპტში შემავალ ინგრედიენტებს, მაშინ როდესაც ამ ინგრედიენტის ნაშთი არ არსებობს საწყობში, მაგრამ არსებობს მისი შემადგენელი ნედლეული. მაგალითად, თუ ხაჭაპურის რეცეპტში შედის "ცომი" და იგი ნაშთში არ გვაქვს, მაშინ ღილაკის ჩართვის შემთხვევაში ავტომატურად ჩამოწერს "ცომის" შემადგენელ მასალებს: ფქვილს, საფუარს, წყალს.

ფანჯარა „ჩანაწერს“ აქვს სტანდარტული ბრძანებები-შენახვა, გასვლა.

• წაშლა;
• ბეჭდვა;
• გასვლა.

რეცეპტი ასევე შეიძლება გამოვიყენოთ რეცეპტით წარმოებული საქონლის დასაშლელად მისი ცალკეულ კომპონენტებად გაყიდვის მიზნით. მაგალითად კომპანია ატარებს აქციას და "კალათებით" ყიდის საქონელს. კალათაში შედის შამპანური, შოკოლადი, ნამცხვარი. ამ "კალათისათვის" ჯერ იქმნება შესაბამისი რეცეპტი და შეიქმნება რეცეპტით წარმოების შაბლონი, მიიღება საქონელი დასახელებით "კალათა". შემდეგ მოხდება მათი რეალიზაცია. გარკვეული პერიოდის გასვლის შემდეგ აქცია მთავრდება და კომპანიას რჩება გაუყიდავი "კალათების" გარკვეული რაოდენობა. ამ შემთხვევაში ჩნდება "კალათის" დაშლის აუცილებლობა კალათაში შემავალი კომპონენტების ცალ-ცალკე გაყიდვის მიზნით. ამისათვის ხდება "რეცეპტის დაშლის" ოპერაციის აწყობა, რომლის გამოყენებითაც "კალათა" დაიშლება კომპონენტებად და შემდეგ მოხდება მისი რეალიზაცია ცალ-ცალკე. 

2. საქონლის დაშლის რეცეპტი (დეკომპლექტაცია): იგი გამოიყენება საქონლის შემადგენელ კომპონენტებად დასაშლელად მათი ცალ-ცალკე გაყიდვის მიზნით. მაგალითად, ქათამი შეიძლება გავყიდოთ, როგორც ერთი მთლიანი და შეიძლება დავშალოთ (ბარკალი, მკერდი, თავი, კუჭი, ღვიძლი და ა. შ.) და ცალ-ცალკე ნაწილებად გავყიდოთ (ან ცალკეული ნაწილები გამოვიყენოთ მზა პროდუქტის საწარმოებლად). 

ბრძანების გამოყენების შემდეგ ეკრანზე გამოდის ფორმა "საქონლის დაშლა": 

 

ფორმის გაფილტვრა შესაძლებელია შემდეგი ელემენტებით:

• მწარმოებელი (Combo Box)-უზრუნველყოფს ცხრილის გაფილტვრას მწარმოებლის მიხედვით;
• კატეგორია (Combo Box)-ცხრილს ფილტრავს საქონლის კატეგორიის მიხედვით;
• ტიპი (Combo Box-ცხრილს ფილტრავს საქონლის ტიპის მიხედვით;

ფორმა შედგება ორი ნაწილისაგან:

• მარცხენა ნაწილი-განკუთვნილია საქონელის ჩამონათვალისათვის, სადაც მოცემულია დასაშლელი საქონლის მახასიათებლები და მწარმოებლები.
• მარჯვენა ნაწილი-განკუთვნილია თითოეულ საქონლის დაშლის შედეგად მიღებული კომპონენტების თვალსაჩინოებისათვის, ანუ მარჯვენა ნაწილი განიცდის ცვლილებას, მარცხენა ნაწილში დაფიქსირებული დასაშლელი საქონლის და მასში შემავალი კომპონენტების მიხედვით.

 

• საქონელი-ცხრილს ფილტრავს საქონლის დასახელების მიხედვით. იგი თავის მხრივ შეიცავს ორ ველს:

1. პირველი ველი სწრაფი ძებნის ველს წარმოადგენს. ძებნა შეიძლება შტრიხკოდის დასაწყისის, დაბოლოების ან სულაც ფრაგმენტის მითითებით. გრაფაში სიმბოლოების ჩაწერის შემდეგ დააჭირეთ Enter-ს და ჩამოიშლება საქონლის ჩამონათვალი: 

 

 

2. მეორე გრაფიდან შეიძლება საქონლის დასახელების მიხედვით გაფილტვრა. იმისათვის, რომ ჩამოსაშლელი ღილაკის ჩამოშლის შემდეგ გამოჩნდეს საქონლის ჩამონათვალი ჯერ მაუსი დააჭირეთ მოხრილ ისარზე: 

 

ფორმას "საქონლის დაშლა" აქვს მენიუს ზოლი სტანდარტული ბრძანებებით:

• განახლება;
• რედაქტირება;
• წაშლა;
• გასვლა;
• დამატება-ბრძანების გამოყენების შემდეგ ეკრანზე გამოდის ფორმა "პროდუქტის შემადგენელი კომპონენტები":

 

გრაფაში "დასაშლელი საქონელი" ირჩევენ იმ საქონელს, რომელიც უნდა დაიშალოს კომპონენტებად. საქონლის დასახელების ძებნისა და ამორჩევის პროცესი ხორციელდება ზემოთ განხილულის მსგავსად (ფორმა "საქონლის დაშლა"). ფორმას აქვს მენიუს ზოლი სტანდარტული ბრძანებებით:

• განახლება;
• ბეჭდვა;
• რედაქტირება;
• წაშლა;
• გასვლა;
• დამატება-ბრძანების დახმარებით ხდება დასაშლელი საქონლის შემადგენელი კომპონენტის დამატება, მისი გამოყენებით ეკრანზე გამოდის დიალოგური ფანჯარა "პროდუქტის შემადგენელი კომპონენტები":

 

გრაფაში "კომპონენტი" ვირჩევთ საქონლის შემადგენელ კომპონენტს (საქონლის დასახელებას, რომელიც შედის დასაშლელი საქონლის შემადგენლობაში. კომპონენტის დასახელება წინასწარ შეტანილი უნდა იყოს "რეგისტრირებული" საქონლის ჩამონათვალში). კომპონენტის დასახელების ძებნისა და ამორჩევის პროცესი ხორციელდება ზემოთ განხილულის მსგავსად (ფორმა "საქონლის დაშლა"). ღილაკის "თანმდეგი პროდუქტი" (ღილაკი ჩამრთველი) ჩართვის შემთხვევაში გრაფაში "ფასი" ავტომატურად გადმოაქვს კომპონენტის (საქონლის) საბითუმო ფასი რეგისტრირებული საქონლის ცნობარიდან, ამავე დროს მომხმარებელს აქვს ფასის რედაქტირების შესაძლებლობა. ღილაკი უნდა ჩავურთოთ იმ კომპონენტს, რომელიც თან სდევს დაშლის (დეკომპლექტაციის) პროცესს, მაგალითად, ძვალს ხორცის ნაჭერის დაშლისას. 

ფანჯარას აქვს სტანდარტული ბრძანებები: შენახვა და გასვლა. 

საქონლის დეკომპლექტაციის დროს კომპონენტებზე თვითღირებულების მიკუთვნება ხდება ორი მეთოდით: 

1. თვითღირებულების მიკუთვნება კომპონენტზე კომპონენტის რაოდენობიდან გამომდინარე;

 

 

2. თვითღირებულების მიკუთვნება კომპონენტზე ამ კომპონენტის სარეალიზაციო ფასიდან გამომდინარე.

 

 

3. წარმოების სახარჯი მასალები: ბრძანება საშუალებას იძლევა შევქმნათ სახარჯი მასალების ცნობარი, რომელიც წარმოებაში მიღებულ მზა პროდუქციაზე პროპორციულად გადაანაწილებს ნედლეულისა და მასალების ხარჯს, ვინაიდან მათი მიკუთვნება პროდუქტის თვითღირებულებაზე უშუალოდ წარმოების პროცესში ვერ ხერხდება (მაგალითად: ერთჯერადი ცელოფანი, სალფეტკი, ერთჯერადი ჯოხი მწვადისათვის, დაფქვული შაქარი ფუნთუშაზე მოსაყრელად და ა. შ.). 

ბრძანების გამოყენების შემდეგ ეკრანზე გამოდის ფორმა "გასახარჯი პროდუქტები": 

 

ფორმას თან ახლავს ჩანართი "გასახარჯი პროდუქტები". ჩანართში ოპერაციების შესრულება ხდება კონტექსტური მენიუს დახმარებით, რომელსაც აქვს სტანდარტული ბრძანებები:

• განახლება;
• ბეჭდვა;
• რედაქტირება;
• წაშლა;
• დამატება-ბრძანების დახმარებით ხდება იმ ნედლეულისა და სახარჯი მასალის დამატება, რომლის თვითღირებულებაც უნდა გადანაწილდეს მზა პროდუქციაზე, ანუ საკუთარი წარმოებიდან მიღებულ პროდუქტზე. მისი გამოყენებით ეკრანზე გამოდის ფორმაა "პროდუქტის შემადგენელი კომპონენტები":

 

გრაფაში "გასახარჯი საქონელი" ვირჩევთ სახარჯ მასალას ან ნედლეულს, რომლის ღირებულებაც უნდა გადანაწილდეს მზა პროდუქტზე. სახარჯი მასალის (ნედლეულის) დასახელების ძებნისა და ამორჩევის პროცესი ხორციელდება ზემოთ განხილულის მსგავსად (ფორმა "საქონლის დაშლა"). ფორმას აქვს მენიუს ზოლი ბრძანებებით:

• განახლება;
• წაშლა;
• გასვლა;
• დამატება-ბრძანების დახმარებით ხდება სახარჯი მასალისა და ნედლეულის დამატება, მისი გამოყენების შემდეგ, ეკრანზე გამოდის დიალოგური ფანჯარა "პროდუქტი":

 

გრაფაში "პროდუქტი" ვირჩევთ იმ მზა პროდუქტის დასახელებას (დასახელება წინასწარ შეტანილი უნდა იყოს "რეგისტრირებული" საქონლის ჩამონათვალში), რომელზეც გადანაწილდება ხარჯები. დასახელების ძებნისა და ამორჩევის პროცესი ხორციელდება ზემოთ განხილულის მსგავსად (ფორმა "საქონლის დაშლა"). ფანჯარას აქვს სტანდარტული ბრძანებები: შენახვა და გასვლა. 

ჩანართში სახარჯი მასალის (ან ნედლეულის) დამატების შემდეგ ცხრილში "მიღებული მზა პროდუქცია", გამოჩნდება იმ მზა პროდუქციის ჩამონათვალი რომლის წარმოების დროსაც დაიხარჯა მასალა (ნედლეული). ცხრილში ცვლილებების შეტანა შესაძლებელია ფორმის მთავარი მენიუს (ან კონტექსტური მენიუს) დახმარებით, რომელსაც აქვს ბრძანებები:

• განახლება;
• ბეჭდვა;
• წაშლა;
• გასვლა;
• დამატება-ბრძანების გამოყენების შემდეგ ეკრანზე გამოდის ფორმაა "პროდუქტის შემადგენელი კომპონენტები", საიდანაც ზემოთ აღწერილის ანალოგიურად ხდება იმ მზა პროდუქტის დამატეაბა, რომელზეც დაიხარჯა სახარჯი მასალა (ნედლეული).

სახარჯი მასალის ჩამოსაწერად უნდა ავაწყოთ ცალკე ოპერაცია. ოპერაციის შაბლონში გამოიყენება ფორმა 1090. 

 

4. წარმოების ხარჯის ანგარიშები: ბრძანება საშუალებას იძლევა შევქმნათ წარმოების სახარჯი ანგარიშების ცნობარი, რომელიც წარმოებაში მიღებულ მზა პროდუქციაზე პროპორციულად გადაანაწილებს წარმოებისათვის გაწეულ ისეთ ხარჯებს, რომელთა მიკუთვნებაც პროდუქტის თვითღირებულებაზე უშუალოდ წარმოების პროცესში ვერ ხერხდება და წინასწარ ცნობილი არ არის. მაგალითად: ელექტროენერგია, ბუნებრივი აირი და ა.შ. ასეთი ხარჯები დგინდება თვის ბოლოს ფაქტის საფუძველზე. ხარჯის ანგარიშის არჩევასთან ერთად ვირჩევთ საწყობს, სადაც უნდა გადანაწილდეს პერიოდის განმავლობაში დაწეული ხარჯი. 

ბრძანების გამოყენების შემდეგ ეკრანზე გამოდის ფორმა "საწარმოო ანგარიშები": 

 

ფორმას თან ახლავს ჩანართი "ხარჯის ანგარიშები". ჩანართში ოპერაციების შესრულება ხდება ჩანართის მენიუდან ან კონტექსტური მენიუს დახმარებით, რომელსაც აქვს სტანდარტული ბრძანებები:

• განახლება;
• ბეჭდვა;
• რედაქტირება;
• წაშლა;
• გასვლა;
• დამატება-ბრძანების დახმარებით ხდება ხარჯის ანგარიშის დამატება, მისი გამოყენების შედეგად, ეკრანზე გამოდის ფორმაა "ხარჯის ანგარიში" (ვინაიდან პროგრამის მომხმარებელი თვითონ განსაზღვრავს, რომელ ანალიზურ ანგარიშზე აკუმულირდეს პერიოდის ხარჯები, ფორმაში გამოდის ანალიზური ანგარიშების სრული ჩამონათვალი):

 

გრაფაში "ანგარიშის ნომერი" ვირჩევთ ხარჯის ანგარიშს, რომელ ანგარიშზეც ხდება მზა პროდუქციაზე გადასანაწილებელი სახარჯის ასახვა. ანგარიშის დასახელების ძებნისა და ამორჩევის პროცესი ხორციელდება ზემოთ განხილულის მსგავსად (ფორმა "საქონლის დაშლა"). ფორმას აქვს მენიუს ზოლი ბრძანებებით:

• განახლება;
• წაშლა;
• გასვლა;
• დამატება-ბრძანების დახმარებით ხდება იმ საწყობის ანგარიშის არჩევა, სადაც უშუალოდ უნდა გადანწილდეს ხარჯი. მისი გამოყენების შედეგად, ეკრანზე გამოდის დიალოგური ფანჯარა "საწყობის ანგარიში":

 

ფანჯარაში ხდება საწყობის არჩევა ზემოთ აღწერილის მსგავსად. ფანჯარას აქვს სტანდარტული ბრძანებები: შენახვა და გასვლა. ფორმაში "ხარჯის ანგარიში" ჩანაწერის დამატების შემდეგ შეიძლება კონტექსტური მენიუს გამოყენება, რომელსაც აქვს იგივე ბრძანებები, რომლებიც განთავსებულია მთავარი მენიუს ზოლში. 

ჩანართში ხარჯის ანგარიშის დამატების შემდეგ ცხრილში "საწყობის ანგარიშები" გამოჩნდება ამ ხარჯის ანგარიშის მოკორესპონდენტო საწყობის ანგარიშები. ცხრილში ცვლილებების შეტანა შეიძლება მთავარი მენიუს ზოლში (ან კონტექსტურ მენიუში) განთავსებული ბრძანებების დახმარებით. ცხრილიდან შესაძლებელია ჩანართის კონკრეტულ ხარჯის ანგარიშთან მიბმული საწყობის ამოშლა ან ახალი საწყობის დამატება (ბრძანება "დამატების" დახმარებით). 

განვიხილოთ მზა პრუდუქტის მიღების, რეალიზაციისა და შემდგომ მის თვითღირებულებაზე ხარჯის (რომლის ღირებულების მიკუთვნებაც უშუალოდ წარმოების პროცესში ვერ ხერხდება) გადანაწილების ტექნოლოგია:

1. დებეტი 1640, კრედიტი 1630 (1000 ლარი)-მზა პროდუქციის მიღება წარმოებიდან;
2. დებეტი 1610, კრედიტი 1640 (1000 ლარი)-მზა პროდუქციის გადატანა;
3. დებეტი 7110, კრედიტი 1610 (1000 ლარი)-თვითღირებულების ჩამოწერა რეალიზაციის დროს;
4. დებეტი 7190, კრედიტი 3190 (200 ლარი)-ელექტროენერგიის ხარჯის გადანაწილება წარმოებაზე ((მემორიალური ორდერი)განსაზღვრული პერიოდის ფაქტის გადატანა-ძირითადად თვის ბოლოს).

სისტემა ხარჯის თანხას ავტომატურად დაამატებს მზა პროდუქციის თვითღირებულებას, რის შედეგადაც ხარჯის ანგარიში "7190" განულდება, ხოლო მე-2-ე და მე-3-ე გატარება თანხობრივად შეიცვლება:

1. დებეტი 1610, კრედიტი 7190 (200 ლარი);
2. დებეტი 7110, კრედიტი 1610 (1200 ლარი).

 

5. პაკეტური საქონელი: ბრძანება განკუთვნილია აპექსის-სალაროს პროგრამისთვის, ბაზიდან ხდება განსაზღვრა ალტერნატიული ფასით რეალიზაცია რა შემთხვევაშია შესაძლებელი (ჩეკის ჯამური თნხა, თუ გადააჭარბებს ბაზაში მითითებულ მნიშვნელობას, რომელიც ორგანიზაციების მიხედვით შესაძლებელია იყოს განსხვავებული (ერთ ორგანიზაციას შესაძლებელია მხოლოდ ერთი მნიშვნელობა ქონდეს მაგ: 50 ლარი), რეალიზაცია შესრულდება ალტერნატიული ფასით). ფორმის დახმარებით ხდება სხვადასხვა სახის საქონელის გაერთიანება ერთ ერთეულად და შემდგომში რეალიზაცია. ფორმის მარჯვენა ჩანართიდან მარტივად არის შესაძლებელი განისაზღვროს პაკეტური საქონლის სარეალიზაციო ფასი, რადგან გაშიფრულადაა წარმოდგენილი მასში შემავალი თითოეული საქონლის დასახელება, რაოდენობა, ფასი (საქონლის რეგისტრაციის დროს საცალო ფასის გრაფაში მითითებული თანხა), ალტერნატიული ღირებულება (საქონლის რეგისტრაციის დროს საბითუმო ფასის გრაფაში მითითებული თანხა) და ჯამური თანხა. 

ბრძანების გამოყენების შედეგად ეკრანზე გამოდის ფორმა "პაკეტური საქონელი": 

 

ფორმის მენიუს ზოლში განთავსებულია სტანდარტული ბრძანებები, რომლებიც მოქმედებს ორივე ჩანართში:

• განახლება;
• მონიშვნა, ინვერსია, მოხსნა;
• ბეჭდვა;
• რედაქტირება;
• წაშლა;
• გასვლა;
• დამატება ("პაკეტური საქონელი" მარცხენა ჩანართი)-ბრძანების დახმარებით ხდება პაკეტური საქონლის დამატება, ბრძანების გამოყენებით ეკრანზე გამოდის დილოგური ფანჯარა:

 

ფანჯარას აქვს შემდეგი გრაფები:

• პაკეტის შტრიხკოდი-გრაფაში იწერება პაკეტური საქონლის შტრიხკოდი (კოდი რომელსაც შეარჩევთ მართებულია იყოს უნიკალური და მსგავსი კოდი არ უნდა ფიგურირებდეს სისტემაში სხვა საქონელზე);
• პაკეტის დასახელება-გრაფაში ვუთითებთ დასახელებას (მაგ: ყავა კონტინენტალ გოლდი + შოკოლადის ფილა);
• პაკეტის დასახელება (En)-დასახელება ინგლისურად;
• პაკეტის ღირებულება-ვუთითებთ პაკეტური საქონლის სარეალიზაციო ფასს. რეალიზაციის დროს პაკეტის ღირებულების გრაფაში მითითებული თანხა პროპორციულად გადანაწილდება მასში შემავალ საქონელზე და შესაბამისად აისახება, როგორც სისტემაში, ასევე კლიენტის ჩეკში;
• პაკეტის ალტერნატიული ღირებულება-ვუთითებთ პაკეტური საქონლის ალტერნატიულ ღირებულებას (მაგ: თუ გარკვეული თანხის საქონლის შეძენის შემთხვევაში ორგანიზაციას დადგენილი აქვს კლიენტებზე საქონლის მიწოდება ალტერნატიული ფასით, ასეთ შემთხვევაში პაკეტური საქონელის რეალიზაცია შესრულდება ალტერნატიული ღირებულების გრაფაში მითითებული თანხის პროპორციულად მასში შემავალ საქონელზე და შესაბამისად აისახება, როგორც სისტემაში, ასევე კლიენტის ჩეკში);
• შეჩერებული.

ფანჯარაში მოქმედებს ბრძანებები შენახვა და გასვლა.

• დამატება ("დეტალები" მარჯვენა ჩანართი)-ბრძანების დახმარებით ხდება "პაკეტურ საქონელში" შემავალი საქონლის დამატება, ბრძანების გამოყენებით ეკრანზე გამოდის დილოგური ფანჯარა "დამატება (პაკეტური საქონელი დეტალი)":

 

ფანჯარას აქვს შემდეგი გრაფები:

• პაკეტის შტრიხკოდი და პაკეტის დასახელება-გრაფები ივსება ავტომატურად იმის მიხედვით, თუ მარცხენა ჩანართში რომელი სტრიქონი გვაქვს დაფიქსირებული;
• საქონლის დეტალი-ჩამონათვალის ღილაკის დახმარებით ვირჩევთ საქონელს, რომელიც პაკეტური საქონელის შემადგენელი ელემენტია;
• რაოდენობა პაკეტში-ვუთითებთ საქონლის რაოდენობას.

ფანჯარაში მოქმედებს ბრძანებები შენახვა და გასვლა. 

 

6. მზა პროდუქციის რეპორტი: ბრძანებაზე მაუსის მარცხენა ღილკზე დაჭერით ეკრანზე გამოდის ანალიზი ფორმა (Pivot table). ფორმის დახმარებით შესაძლებელია მზა პროდუქტის რეცეპტის შემადგენელი კომპონენტების ანალიზი: 

 

 

ფორმის მენიუს ზოლში განლაგებულია შემდეგი ბრძანებები და ღილაკები:

• განახლება;
• ბეჭდვა;
• ცხრილი (ღილაკი ჩამრთველი)-ავტომატურად ჩართულია ფორმაში შესვლის დროს;
• გრაფიკი (ღილაკი ჩამრთველი);
• Excel;
• გასვლა.

ცხრილის უჯრებში შეიძლება კონტექსტური მენიუს გამოძახება, რომელსაც აქვს ბრძანება "დეტალური გაშიფვრა". 

 

იხილეთ ასევე: 

 

საქონელი; 

რეგისტრირებული; 

ტიპები; 

ნომეკლატურა; 

კატეგორიები; 

მწარმოებლები; 

ცხრილი (Grid).