საქონელი არის ცნობარების მენიუს ბრძანება (კომბინირებული ღილაკი), რომელიც შედის ჯგუფში „საქონელი“ (ცნობარები => საქონელი): 

 

მისი დანიშნულებაა სისტემის ცნობარებში საქონლის დასახელებათა, შეფუთვის ტიპებისა და ზომის ერთეულების შეყვანა.

1. ბრძანების ზედა ნაწილზე-დაჭერის შედეგად ეკრანზე გამოდის ფორმა „საქონელი“. ფორმის დანიშნულებაა "საქონლის ცნობარის" შექმნა, საქონლის მახასიათებლების გათვალისწინებით, რომელიც გამოიყენება საქონლის რეგისტრაციის დროს. ბრძანების გამოყენების შემდეგ, ეკრანზე გამოდის ფორმა "საქონელი", ხოლო განახლების ბრძანებით ეკრანზე გამოვა ფორმაში არსებული საქონლის ჩამონათვალი, რომელიც ცხრილის სახით არის სისტემაში წარმოდგენილი. მენიუში სტანდარტული ბრძანებების გარდა განლაგებულია კატეგორიისა და ნომენკლატურის მიხედვით გასაფილტრი სვეტები, რომელიც თავის მხრივ ამარტივებს სასურველ საქონელზე ინფორმაციის მოძიებას დროის მცირედი დანაკარგებით. საქონლის დამატება ასევე შეგვიძლია საქონლის რეგისტრაციის დროს გრაფებში განთავსებული დამატების ("+") ღილაკით, ან დავარედაქტიროთ დამატების ღილაკის გვერდით არსებული რედაქტირების ("...") ღილაკით, რომლებიც დამატების და რედაქტირების ფანჯრების იდენტურია.

ფორმაში მოქმედებათა შესასრულებლად გამოიყენება მენიუ სტანდარტული ბრძანებებით:

• განახლება;
• მონიშვნა,ინვერსია, მოხსნა;
• ბეჭდვა;
• დამატება-ბრძანების გამოყენების შედეგად ეკრანზე გამოდის დიალოგური ფანჯარა „დამატება (საქონელი)“:

 

ფანჯარას აქვს შემდეგი სვეტები:

1. შიდა მოხმარების კოდი-სვეტში იწერება საქონლისათვის მინიჭებული შიდა კოდი;
2. დასახელება-სვეტში იწერება საქონლის დასახელება;
3. დასახელება (EN)–დასახელება ინგლისურად;
4. კატეგორია (Combo box)-ვირჩევთ უკვე დამატებულ კატეგორიას ან „+“ ღილაკის დახმარებით ვამატებთ;
5. აქციზი-პირველ ველში იწერება აქციზის განაკვეთი, ხოლო მეორე ველში ვირჩევთ აქციზური საქონლის ID-ს შემოსავლების სამსახურის აქციზური საქონლის ცნობარიდან. ამისათვის უნდა დააჭიროთ -ღილაკს, ეკრანზე გამოვა ფორმა "აირჩიეთ აქციზი", სადაც მოცემულია აქციზური საქონლის ჩამონათვალი განაკვეთებით. ვირჩევთ აქციზურ საქონელს და ვაჭერთ ღილაკზე "შენახვა", ველში ჩაიწერება აქციზური საქონლის ID-ი. იგი გაჰყვება საქონელს ელექტრონული ზედნადების შემოსავლების სამსახურის სერვერზე ატვირთვის დროს.სვეტიდან ID-ის ამოსაშლელად დააჭირეთ -ღილაკს;
6. დღგ-გრაფაში იწერება დღგ-ის განაკვეთი, მის გასწვრივ განლაგებულია გადართვის ღილაკები (რადიო ბუტონი):
   1. ჩვეულებრივ-უნდა ჩავრთოთ იმ საქონლისათვის, რომელიც იბეგრება დღგ-ის ჩვეულებრივი განაკვეთით;
   2. ნულოვანი-ჩაირთვება იმ საქონლისათვის, რომელიც განთავისუფლებულია დღგ-საგან ჩათვლის უფლებით;
   3. დაუბეგრავი-ღილაკი უნდა ჩავრთოთ იმ საქონლისათვის, რომელიც განთავისუფლებულია დღგ-ისაგან ჩათვლის უფლების გარეშე;
7. წონა ნეტო;
8. წონა ბრუტო;
9. ზომა–საქონლის ზომა;
10. ერთეული–საქონლის განზომილების ერთეული;
11. დაშლა-გრაფაში რიცხვის ჩაწერით შესაძლებელია საქონლის დაშლადობა (მაგ. თუ ჩავწერთ 1000, მაშინ ის საქონელი რომელის განზომილების ერთეულია „კილოგრამი“, შესაძლებელია გაიყიდოს გრამებით);
12. მინიმუმი საცალოში-მინიმალური რაოდენობა, რომელზე ნაკლების რეალიზაციაც იქნება შეზღუდული საცალო ქსელში;
13. სასაქონლო ნომენკლატურა (Combo box)-ვირჩევთ ან „+“ ღილაკის დახმარებით ვამატებთ სასაქონლო ნომენკლატურას.

ფანჯარას აქვს ღილაკი ჩამრთველები (ალამი):

1. სპეცაღრიცხვა;
2. გადათვლადი-ღილაკის ჩართვა ხდება იმ შემთხვევაში, თუ საქონელზე ფასი უნდა დადგინდეს პირობით ერთეულში;
3. შეჩერებული.

დიალოგურ ფანჯარას „დამატება (საქონელი)“ აქვს მენიუ სტანდარტული ბრძანებებით: შენახვა და გასვლა.

• რედაქტირება;
• წაშლა;
• გასვლა.

 

2. შეფუთვის ტიპები-ფორმის დანიშნულებაა საქონლის "შეფუთვის ტიპების" ცნობარის შექმნა, რომელიც გამოიყენება საქონლის რეგისტრაციის დროს "შეფუთვის ტიპის" მისათითებლად. მისი გამოყენების შემდეგ, ეკრანზე გამოდის ფორმა "შეფუთვის ტიპები", ხოლო განახლების ბრძანებით ეკრანზე გამოვა ფორმაში არსებული ჩამონათვალი, რომელიც ცხრილის სახით არის სისტემაში წარმოდგენილი. "შეფუთვის ტიპი" ასევე შეგვიძლია დავამატოთ " საქონლის რეგისტრაციის დროს "შეფუთვის ტიპი" სვეტში განთავსებული დამატების ("+") ღილაკით, რომელიც "დამატება (შეფუთვის ტიპი)" ფანჯრის იდენტურია. 

ფორმა წარმოადგენს ორსვეტიან ცხრილს: 

 

ფორმაში მოქმედებათა შესასრულებლად გამოიყენება მენიუ სტანდარტული ბრძანებებით:

• განახლება;
• მონიშვნა,ინვერსია, მოხსნა;
• ბეჭდვა;
• რედაქტირება;
• წაშლა;
• გასვლა;
• დამატება-ბრძანების გამოყენების შედეგად ეკრანზე გამოდის დიალოგური ფანჯარა „დამატება (შეფუთვის ტიპი)“:

 

ფანჯარას აქვს დასახელების შესატანი ორი ველი (ქართულად და ინგლისურად შესატანად) და სტანდარტული ბრძანებები: შენახვა და გასვლა. 

 

3. ზომის ერთეულები-ფორმის დანიშნულებაა საქონლის "ზომის ერთეულების" ცნობარის შექმნა, რომელიც გამოიყენება საქონლის რეგისტრაციის დროს "ზომის ერთეულის" მისათითებლად. მისი გამოყენების შედეგად ეკრანზე გამოდის ფორმა "ზომის ერთეულები",რომელიც ცხრილის სახით არის სისტემაში წარმოდგენილი. "ზომის ერთეული" ასევე შეგვიძლია დავამატოთ, საქონლის რეგისტრაციის დროს "ზომის ერთეული" სვეტში განთავსებული დამატების ("+") ღილაკით, რომელიც "დამატება (ზომის ერთეული)" ფანჯრის იდენტურია. 

ფორმა წარმოადგენს ორსვეტიან ცხრილს: 

 

ფორმაში მოქმედებათა შესასრულებლად გამოიყენება მენიუ სტანდარტული ბრძანებებით:

• განახლება;
• მონიშვნა,ინვერსია, მოხსნა;
• ბეჭდვა;
• რედაქტირება;
• წაშლა;
• გასვლა;
• დამატება-ბრძანების გამოყენების შედეგად ეკრანზე გამოდის დიალოგური ფანჯარა „დამატება (ზომის ერთეული)“:

 

ფანჯარას აქვს დასახელების შესატანი ორი სვეტი (ქართულად და ინგლისურად შესატანად. ორივე ველის შევსება სავალდებულოა) და სტანდარტული ბრძანებები: შენახვა და გასვლა  

ყველა ზემოთ აღწერილ ფორმაში მოქმედებების შესრულება შესაძლებელია კონტექსტური მენიუს დახმარებითაც, რომელიც ფორმაში "საქონელი" გარდა მთავარი მენიუს ბრძანებებისა შეიცავს ბრძანებას „უპირატესი“. 

 

 

 

 

იხილეთ აგრეთვე: 

 

ტიპები; 

ნომეკლატურა; 

კატეგორიები; 

მწარმოებლები; 

ცხრილი (Grid).