ბალანსი არის მოდულის "ბუღალტერია" მენიუს ბრძანება, რომლის დანიშნულებაა გვაჩვენოს საწარმოს ფინანსური მდგომარეობის ამსახველი სურათი დროის კონკრეტული მომენტისათვის, "განახლების" ბრძანებით ეკრანზე გამოვა პერიოდის განმავლობაში გამოყენებული ანგარიშების ჩამონათვალი, საწყისი ნაშთი, დებეტის ბრუნვა, კრედიტის ბრუნვა და საბოლოო ნაშთი. 

ბალანსი გვაწვდის ინფორმაციას როგორც ნაღდი ფულის ნაშთის შესახებ სალაროსა და საბანკო ანგარიშებზე, ასევე დებიტორული და კრედიტორული დავალიანებების ბრუნვებისა და ნაშთების შესახებ, თუ რა თანხისაა საწარმოს აქტივები, როგორია საქონლისა და მზა პროდუქციის ბრუნვები და ნაშთები, საწარმოს შესაფუთი, ტარა-მასალები და სხვა მარაგები. სრული სურათი გვაქვს საწარმოს შემოსავლების შესახებ, როგორც გაყიდვებიდან ასევე სხვა არასაოპერაციო შემოსავლებიდან, ასევე გვაძლევს ხარჯების ანალიზის საშუალებას, როგორიცაა ხელფასის ხარჯი, ძირითადი საშუალებების ამორტიზაციის ხარჯი, ადმინისტრაციული ხარჯები, ჯარიმებისა და საურავების ხარჯები, საპროცენტო ხარჯები, საწვავის, მივლინების ხარჯი, საკურსო სხვაობები და სხვა საოპერაციო და არასაოპერაციო ხარჯები. ბალანსში ასევე მოცემულია ინფორმაცია საწამოს კაპიტალისა და საბრუნავი საშუალებების შესახებ. 

"ბალანსი" ბრძანების გამოყენებით ეკრანზე გამოდის ბალანსის ფორმა: 

 

ფორმის შუა ნაწილში განთავსებულია შემდეგი ელემენტები:

1. თარიღის შუალედის ასარჩევი ელემენტი;
2. მთვლელი ღილაკები-ამ ღილაკების დახმარებით შესაძლებელია ბალანსის მუხლების შეკუმშვა ან გაფართოება, რაც ხორციელდება სვეტში "ანგარიში" არსებული ანგარიშების იერარქიული სტრუქტურის ცვლილებით;
3. გადართვის ღილაკები: "(ლ)", "(პ)", "(ვ)"-მათი საშუალებით ხდება იმ ვალუტაზე გადართვა, რომელ ვალუტაშიც გვაინტერესებს ბალანსი;
4. ვაჩვენოთ უმოძრაო ანგარიშები-ღილაკის ჩართვის შემთხვევაში ბალანსის ფორმაში გამოჩნდება ისეთი ანგარიშები, რომელზეც მიმდინარე თარიღში ბრუნვა არ განხორციელებულა.

ფორმას აქვს მენიუს ზოლი შემდეგი ბრძანებებით:

• განახლება;
• გაშლა, შეკუმშვა;
• მონიშვნა, ინვერსია, მოხსნა;
• საკურსო სხვაობები-წლის ბოლოს აუცილებლობას წარმოადგენს სავალუტო ნაშთების გადაანგარიშება, 31 დეკემბერს არსებული სავალუტო კურსის მიხედვით, რასაც ამარტივებს ბრძანება "საკურსო სხვაობები".

ბრძანების გამოყენებით ეკრანზე გამოვა დიალოგური ფანჯარა "სავალუტო ანგარიშების გადაანგარიშება": 

 

ფანჯარას აქვს შემდეგი გრაფები:

• გადაანგარიშების თარიღი (Combo box)-ვირჩევთ თარიღს, რომელი თარიღისათვისაც გვსურს სავალუტო ანგარიშების გადაანგარიშება;
• ვალუტა (Combo box)-ვირჩევთ ვალუტას, რომელ ვალუტაში არსებული ნაშთების გადაანგარიშებაც გვსურს;
• კურსი-კურსის შეტანა შეიძლება მოხრილ ისარზე მაუსის მარცხენა ღილაკის გამოყენებით, ამ შემთხვევაში ჩაიწერება სისტემაში შეტანილი კურსი გადაანგარიშების თარიღისათვის. თუ კურსი შეტანალი არ არის, მაშინ ის ჩაიწერება ხელით;
• საბალანსო ანგარიშის ნომერი (Combo box)-ვირჩევთ საბალანსო ანგარიშს, თუ შერჩევით გვინდა გადაანგარიშების განხორციელება;
• ანალიზური ანგარიში (Combo box)-ვირჩევთ ანალიზურ ანგარიშს, თუ შერჩევით გვინდა გადაანგარიშების განხორციელება;
• დადებითი საკურსო სხვაობის ანგარიში (Combo box);
• უარყოფითი საკურსო სხვაობის ანგარიში (Combo box).

სვეტების შევსების შემდეგ გამოიყენეთ ბრძანება „გადაანგარიშება“, ეკრანზე გამოვა შეტყობინება: "გადაანგარიშება წარმატებით დასრულდა". ფანჯარას აქვს სტანდარტული ბრძანება "გასვლა". 

სტრიქონები: "დადებითი საკურსო სხვაობების ანგარიში" და "უარყოფითი საკურსო სხვაობების ანგარიში" გამოდის ავტომატურად, თუ აღნიშნული ანგარიშები მითითებული გვაქვს მოდულში: ადმინისტრირება => კომპანიის რეკვიზიტები => სპეციალური ანგარიშები. 

უარყოფითი საკურსო სხვაობის ანგარიშში უნდა ჩაიწეროს არასაოპერაციო ხარჯის (არასაოპერაციო ზარალის) ანგარიში, რადგან ამ შემთხვევაში იზრდება ვალდებულება ან მცირდება მოთხოვნა, რაც გამოიწვევს ზარალს. 

დადებითი საკურსო სხვაობის ანგარიშში უნდა ჩაიწეროს არასაოპერაციო შემოსავლის (არასაოპერაციო მოგების) ანგარიში, რადგან ამ შემთხვევაში მცირდება ვალდებულება ან იზრდება მოთხოვნა, რაც გამოიწვევს მოგებას კურსთა შორის სხვაობიდან.

• ბეჭდვა;
• გასვლა.

ბალანსის ფორმაში მოქმედებები შეიძლება შესრულდეს კონტექსტური მენიუს დახმარებითაც, რომელსაც გარდა ფორმის მთავარი მენიუს სატანდარტული ბრძანებებისა აქვს განსხვავებული ბრძანებები:

• შედარების აქტი-მენიუში ჩნდება, მაშინ როცა ცხრილი გაშლილია;
• ცხრილის სტილი:
  • სტანდარტული-ჩართულია ავტომატურად, რაც უზრუნველყოფს ბალანსის სტანდარტული ფორმით ეკრანზე გამოტანას-საწყისი სადებეტო და საკრედიტო ნაშთები მოცემულია ერთ სვეტში, მომდევნო სვეტები განკუთვნილია პერიოდის განმავლობაში დებეტური და კრედიტული ბრუნვებისათვის, ხოლო გამომავალი ნაშთი გულისხმობს ანგარიშების საბოლოო სალდოს;
  • გაშლილი-ღილაკის ჩართვის შემდეგ ცხრილში დამატებით ჩნდება საწყისი და საბოლოო ნაშთების ორ-ორი სვეტი-ცალკე სადებეტო და ცალკე საკრედიტო;
• ამონაწერი პირადი ბარათიდან-მენიუში ჩნდება, მხოლოდ მაშინ როდესაც ცხრილი გაშლილია. ბრძანების გამოყენებით ეკრანზე გამოდის ფანჯარა სადაც ნაჩვენები იქნება ბრუნვები მოცემულ ანალიზურ ანგარიშზე. ფორმიდან შესაძლებელია ყველა იმ ოპერაციის შესრულება რაც პირადი ბარათის ფორმაში;
• ზემდგომი ხაზის შეკუმშვა-მენიუში ჩნდება, მაშინ როდესაც ცხრილი გაშლილია. ბრძანება კუმშავს იმ საბალანსო ანგარიშს, რომელ ანალიზურ ანგარიშზეც იმყოფება მომხმარებელი.

ბალანსის ცხრილში თითოეული საბალანსო ანგარიშის მარცხენა კუთხეში განთავსებულია გაშლის -ღილაკი, რომლის საშუალებითაც შეიძლება მხოლოდ კონკრეტული საბალანსო ანგარიშის გაშლა. გაშლის შემდეგ ღილაკი გადაიქცევა შეკუმშვის -ღილაკად. ცხრილში არის სვეტი "A/P", რომლის ჩანაწერებიც მომხმარებელს საშუალებას აძლევს აღმოაჩინოს შეცდომები. კერძოდ, თუ აქტიური ანგარიშის გამომავალი ნაშთი არის მინუს ნიშნით, მაშინ სვეტში იქნება ჩანაწერი: "აქტიური (პასიური ნაშთით)", ჩანაწერის წინ კი იქნება წითელი პიქტოგრამა. ანალოგიურად თუ პასიური ანგარიშის გამომავალი ნაშთი იქნება დადებითი, მაშინ სვეტში იქნება ჩანაწერი: "პასიური (აქტიური ნაშთით)" და წინ ექნება წითელი პიქტოგრამა. 

 

 

იხილეთ აგრეთვე: 

 

ცხრილი (Grid).