აქტივის იმპორტი არის ოპერაციის ტიპი, რომლის მეშვეობით შესაძლებელია სტანდარტული საბუღალტრო ოპერაციის შესრულება, კერძოდ, იმპორტით შეძენილი ფიქსირებული აქტივის შემოსავალში აყვანა. ოპერაციის შესრულების შედეგად სრულდება ერთი ბუღალტრული გატარება:

1. დებეტი-2100 კრედიტი-3110 (აქტივის შემოსავალში აყვანა).

ოპერაციის ასაწყობად იქმნება შაბლონი, რომელზეც ჩაბმულია ფორმა 2014 (ძირითადი საშუალების იმპორტი). ოპერაციის შაბლონის შექმნის შემდეგ "საბუთის დამატებაში" ხდება ოპერაციის ამორჩევა, შედეგად ეკრანზე გამოდის ფორმა "ფიქსირებული აქტივის მიღება იმპორტით (დამატება)": 

ფორმას აქვს შემდეგი სვეტები:

1. ოპერაცია (Combo Box)-ავტომატურად არჩეულია ოპერაციის კოდი;
2. ვალუტა (Combo Box)-ვირჩევთ იმ ვალუტას, რომელ ვალუტაშიც ხდება აქტივის შეძენა;
3. კურსი-პირობითი ერთეულისა და ვალუტის კურსი. კურსების ცნობარიდან გადმოაქვს ბოლოს შეტანილი კურსი, თუმცა შესაძლებელია მისი შეცვლა ხელით;
4. ოპ. თარიღი-თარიღის ელემენტი, საიდანაც ირჩევენ ოპერაციის შესრულების თარიღს;
5. საბუთის №-სვეტში იწერება ინვოისის ნომერი;
6. ა/ფ №-სვეტში იწერება საბაჟო დეკლარაციის ნომერი;
7. დებეტი (Combo Box)-სვეტში ირჩევენ აქტივის ანგარიშს ("21" კლასის ანგარიშები);
8. კრედიტი (Combo Box)-მომწოდებლის ანგარიში;
9. პროექტი (ჩამრთველი ღილაკი)-ღილაკი ჩართულია ფორმაში შესვლისას და უზრუნველყოფს შესრულებული ოპერაციის პროექტის სახით შენახვას. ასეთ ოპერაციას გატარებულ საბუთებში წინ ექნება "f(x)".

ფორმას აქვს მენიუს ზოლი სტანდარტული ბრძანებებით:

• განახლება;
• მონიშვნა, ინვერსია, მოხსნა;
• რედაქტირება;
• წაშლა;
• ბეჭდვა;
• შენახვა;
• გასვლა;
• დამატება-ბრძანების დახმარებით ხდება შესყიდული აქტივის დამატება ფორმაში. ბრძანების გამოყენების შემდეგ ეკრანზე გამოდის დიალოგური ფანჯარა 'დამატება":

ფანჯარაში ივსება შემდეგი სვეტები:

• ფ/ა დასახელება (Combo Box)-სვეტში ირჩევენ ფიქსირებული აქტივის დასახელებას (ფიქსირებული აქტივის ცნობარში არსებული დასახელება), თუმცა შესაძლებელია "ფ/ა დასახელება" სვეტის გასწვრივ არსებული დამატების ("+") ღილაკით;
• დასახელება ორიგინალში-მომწოდებლის მიერ სასაქონლო ზედნადებში (ა/ფ) მითითებული დასახელება,
• მწარმოებელი (Combo Box)-სვეტში ირჩევენ აქტივის მწარმოებელს, ან ამატებენ სვეტის გასწვრივ დამატების ("+") ღილაკით;
• რაოდენობა-სვეტში იწერება მიღებული აქტივების რაოდენობა;
• თანხ-სვეტში იწერება აქტივის (აქტივების) ღირებულება ინვოისის მიხედვით;

სვეტებში გადაადგილება შესაძლებელია მაუსით, Enter და Tab კლავიშებით. 

ფანჯრის სვეტების შევსების შემდეგ გამოიყენეთ ღილაკი "შენახვა" და აქტივი დაემატება ფორმაში "ფიქსირებული აქტივის მიღება იმპორტით (დამატება)". აქტივის მიღების ოპერაციის დასასრულებლად (ბუღალტერიაში ასახვისათვის) გამოიყენეთ ბრძანება "შენახვა", ფორმა დაიხურება და ავტომატურად გამოვა იგივე ფორმა რედაქტირების რეჟიმში, სადაც შეგვიძლია აქტივის ღირებულებას (შესყიდვის ფასი) დავამატოთ ყველა ის ხარჯი რაც ზრდის აქტივის ღირებულებას (ტრანსპორტირება, მონტაჟი და სხვა). ხარჯების დასამატებლად გამოიყენეთ ბრძანება "ხარჯების დარიცხვა" 

სისტემაში შესაძლებელია მომხმარებელს მივანიჭოთ ან შევუზღუდოთ წვდომა ოპერაციის შესრულებაზე (ადმინისტრირება=>უფლებების მართვა), თუ მომხმარებელს წვდომა აქვს ოპერაციის შესრულებაზე, შესაბამისად ხელმისაწვდომი უნდა იყოს მისთვის საბალანსო ანგარიშების გამოყენებაც, რომელიც დაკავშირებულია აღნიშნული ოპერაციის შესრულებასთან.