მომსახურება საკუთარი მასალით (უნაღდო) (ბუღალტერია => საბუთის დამატება => მომსახურება საკუთარი მასალით (უნაღდო)) არის ოპერაციის ტიპი, რომლის მეშვეობით შესაძლებელია სტანდარტული საბუღალტრო ოპერაციების შესრულება, ოპერაცია ამარტივებს მომსახურეობის ოპერაციისა და მომსახურებაზე დახარჯული მასალების ჩამოწერის ასახვას პროგრამაში. ოპერაციით აისახება შემოსავალი მომსახურების გაწევიდან და შემოსავალი მასალების რეალიზაციიდან, ვინაიდან მომსახურებაზე დახარჯული მასალები აღირიცხება, როგორც რეალიზებული საქონელი და ამავე დროს ჩამოიწერება დახარჯული მასალები. ფორმა გამოიყენება უნაღდო ანგარიშსწორების შემთხვევაში. იმისათვის, რომ შევასრულოთ მომსახურეობის ოპერაცია საკუთარი მასალით, მომსახურეობის სახე წინასწარ უნდა დავამატოთ ცნობარებში (ცნობარები =>სხვა=> სერვისი). სადაც ვუთითებთ მომსახურების ერთეულის ფასს და დღგ-ს საპროცენტო განაკვეთს. 

ოპერაციის ტიპში აუცილებლობას წარმოადგენს, კონკრეტულ საწყობში, მომსხურებისათვის განკუთვნილი მასალების არსებობა (მასალის შეძენა ან გადაადგილება). მოქმედებები სრულდება შემდეგი თანმიმდევრობით: პირველ ეტაპზე ხდება "ბუღალტერიის მოდულის" არჩევა, მომდევნო ეტაპზე "საბუთის დამატების" ბრძანების გამოძახება, მისი საშუალებით ვირჩევთ მომსახურეობის სახეობას. დებეტის სტრიქონში ვუთითებთ დებიტორული დავალიანების ანალიზურ ანგარიშს, ხოლო გრაფაში ,,საწყობი“ - იმ საწყობს, საიდანაც უნდა ჩამოიწეროს დახარჯული მასალები. მასალების დასახელების გასწვრივ, ,,გასავლის“ სვეტში ჩაიწერება დახარჯული მასალის რაოდენობა, რაოდენობიდან გამომდინარე ფიქსირდება მასალის სარეალიზაციო ფასი. "შენახვის" ბრძანების გამოყენებით მოხდება ოპერაციის ბუღალტრული ასახვა. ფორმიდან შესაძლებლობა გვაქვს შევასრულოთ დებიტორის მიერ თანხის გადახდის ოპერაცია, მენიუს ბრძანებით ,,გადახდა“ (ბრძანება აქტიურდება შენახვის ბრძანების გამოყენების შემდეგ). გახსნილ ფანჯარაში შევსებული გვაქნება ყველა მონაცემი: დებეტის ანგარიში, კრედიტის ანგარიში, თანხა. ოპერაცია დასრულდება ,,შენახვის“ ღილაკზე დაჭერით. 

სისტემაში შესაძლებელია მომხმარებელს მივანიჭოთ ან შევუზღუდოთ წვდომა ოპერაციის შესრულებაზე (ადმინისტრირება=>უფლებების მართვა), თუ მომხმარებელს წვდომა აქვს ოპერაციის შესრულებაზე, შესაბამისად ხელმისაწვდომი უნდა იყოს მისთვის საბალანსო ანგარიშების გამოყენებაც, რომელიც დაკავშირებულია აღნიშნული ოპერაციის შესრულებასთან. 

ოპერაციის შესრულების შედეგად სრულდება ხუთი ბუღალტრული გატარება:

1. დებეტი-1410 კრედიტი-6160 (შემოსავალი მომსახურებიდან);
2. დებეტი-1410 კრედიტი-3330 (მომსახურებაზე დარიცხული დღგ).
3. დებეტი-7210 კრედიტი-1610 (მომსახურებაზე დახარჯული მასალების ჩამოწერა).
4. დებეტი-1410 კრედიტი-6110 (მომსახურებაზე დახარჯული მასალების რეალიზაცია);
5. დებეტი-1410 კრედიტი-3330 (დღგ-ს დარიცხვა);

ოპერაციის ასაწყობად იქმნება შაბლონი, რომელზეც ჩაბმულია ფორმა 1051. შაბლონში იწერება პირველი და მეორე გატარება, ხოლო მესამე, მეოთხე და მეხუთე გატარება კეთდება ავტომატურად (ფორმა 1051-ით აწყობილ ოპერაციაზე ავტომატურადაა ჩაბმული ის ოპერაციები, რომლის აწყობაც ხდება ფორმა 1018-ის გამოყენებით). 

ოპერაციის შაბლონის შექმნის შემდეგ "საბუთის დამატებაში" ხდება ოპერაციის ამორჩევა, შედეგად ეკრანზე გამოდის ფორმა „მომსახურება-მასალის ხარჯვა (220-მზა პროდუქციის რეალიზაცია)“: 

 

პირველად ივსება ოპერაციის დეტალები:

1. ოპერაციის თარიღი-ოპერაციის შესრულების თარიღი;
2. გადახდის თარიღი-მყიდველის მიერ თანხის გადახდის თარიღი;
3. საბ. ნომერი-სვეტში იწერება მომსახურების გაწევის შესახებ შედგენილი აქტის ნომერი (თუ არ შევიტანთ ნომერს, მაშიმ სისტემა მიანიჭებს ავტომატურად);
4. გარე ნომერი-იწერება საგადასახადო ანგარიშ-ფაქტურის ნომერი (მისი არსებობის შემთხვევაში);
5. მომსახურება დებეტი (Combo box)-ვირჩევთ მომხმარებელს, რომლსაც ვუწევთ მომსახურებას;
6. მომსახურება კრედიტი (Combo box)-ვირჩევთ შემოსავლების ანალიზურ ანგარიშს;
7. ვალუტა (Combo box)-ვირჩევთ ვალუტას, რომელ ვალუტაშიც განხორციელდა მომსახურება;
8. კურსი-შეგვყავს ვალუტის კურსი გამოსახული ლარში.
9. ოპერაცია (Combo box)-ვირჩევთ საქონლის (ნედლეულისა და მასალების) საბითუმო რეალიზაციის ოპერაციას;
10. საწყობი (Combo box)-ვირჩევთ საწყობს, საიდანაც ხდება მომსახურების გაწევისათვის საჭირო საქონლის (ნედლეული, მასალა) ჩამოწერა (გასავლის ველში ვუთითებთ რაოდენობას);
11. პროცენტის სვეტში ავტომატურად იწერება მომხმარებლისათვის ხელშეკრულებით განსაზღვრული ფასდაკლების პროცენტი.

ფორმას აქვს ორი ჩანართი: მარცხენა ჩანართში ხდება მომსახურების დამატება, ხოლო მარჯვენა ჩანართიდან-მომსახურების გასაწევად საჭირო საქონლის (ნედლეულის, მასალა), ჩამოწერა (სვეტში "გასავალი"). 

ფორმას აქვს მენიუს ზოლი სტანდარტული ბრძანებებით:

• განახლება,
• დამატება–მომსახურების დასამატებლად ეკრანზე გამოდის დიალოგური ფანჯარა:

 

ვირჩევთ მომსახურების სახეს, მასზე მაუსის მარცხენა ღილაკზე ორჯერ დაჭერის (Enter) შდეგად მოხდება მომსახურების დამატება. მომსახურების დამატების შემდეგ, მივუთითებთ მომსახურეობის ერთეულის რაოდენობას, რის შემდეგაც ავტომატურად ჩაიწერება მომსახურეობის მთლიანი თანხა და დღგ-ს თანხა. მაგალითად: სერვისებში დამატებული გვაქვს მომსახურების სახე - ფანჯრების წმენდა, რომლის ერთეულის ფასია 100 ლ, როდესაც მომსახურეობის ფორმაში ავირჩევთ და ჩავწერთ ფანჯრების რაოდენობას, პროგრამა გადაიანგარიშებს მომსახურეობის მთლიან თნხას და დღგ-ს თანხას. 

ფანჯრის დახურვა შესაძლებელია –ს ღილაკზე მაუსის დაჭერით. 

• წაშლა,
• შენახვა-ბრძანების გამოყენების შედეგად სრულდება ზემოთ აღწერილი ბუღალტრული გატარებები, ხოლო ეკრანზე გამოდის იგივე ფორმა, რომელსაც მენიუში დამატებით აქვს ორი ბრძანება:
  • ბეჭდვა (კომბინირებული ღილაკი):
    • ბეჭდვა-ბეჭდავს სასაქონლო ზედნადებს;
    • გაერთიანებული აქტი-ბეჭდავს აქტს მომსახურების შესახებ;
  • გადახდა-ბრძანების გამოყენებით ხდება მომსახურების თანხის გადახდა და ბუღალტერიაში ასხვა (დებეტი-სალარო; კრედიტი-მომხმარებელი). გადახდის ოპერაციის შესასრულებლად აუცილებლად უნდა იყოს აწყობილი სალაროს შემოსავლის ოპერაცია კოდით "702" და მომხმარებელს მასზე ჩართული უნდა ჰქონდეს უფლება;
• გასვლა.

შესრულებული ბუღალტრული გატარებების ნახვა და რედაქტირება შესაძლებელია „გატარებულ საბუთებში“ ან „პირად ბარათებზე“. 

 

იხილეთ აგრეთვე: 

 

ცხრილი (Grid), მომსახურება, მომსახურება საკუთარი მასალით (ნაღდი).