ელექტრონული ზედნადებები-ბრძანების გამოყენების შემდეგ ეკრანზე გამოვა ფორმა "ზედნადებების რეესტრი": 

 

ფორმაში მონაცემების გაფილტვრა შესაძლებელია შემდეგი ელემენტების მიხედვით:

1. თარიღი;
2. მიმღები-სვეტში ვირჩევთ სასაქონლო ზედნადების მიმღებს;
3. მხოლოდ ასატვირთი (ღილაკი ჩამრთველი)-ღილაკი აქტიურია ჩანართში "საბუთები". როცა ღილაკი ჩართულია, მაშინ ფორმაში ჩანს, მხოლოდ ასატვირთი სასაქონლო ზედნადებები;
4. საბუთის ნომერი:
5. შიდა-სვეტში იწერება საბუთის შიდა ნომერი ;
6. გარე-სვეტში იწერება საბუთის გარე ნომერი, ველი არაა აქტიური ჩანართებში: "ზედნადებები", "მიღებული ზედნადებები";
7. -მომხმარებელი, სვეტი გამოტანილია მხოლოდ ჩანართში: "საბუთები";
8. ოპერაცია-სვეტში ჩანართში "საბუთები" ცხრილს ფილტრავს იმ ოპერაციების მიხედვით, რომელთა საფუძველზეც უნდა მოხდეს სასაქონლო ზედნადების ატვირთვა MOF-ის სერვერზე, ხოლო ჩანართებში: "ზედნადებები" და "მიღებული ზედნადებები" ცხრილების გაფილტვრა ხდება შესრულებული ოპერაციის ტიპის, ტრანსპორტირების ტიპისა და ზედნადების ტიპის მიხედვით:

 

"ოპერაციის" ქვემოთ ხსენებულ ჩანართებში გამოდის დამატებით მეორე სვეტი საიდანაც ცხრილის გაფილტვრა შესაძლებელია ატვირთული ზედნადებების სტატუსების მიხედვით: 

; 

 

ფორმას აქვს სამი ჩანართი. ჩანართებზე გადასვლის დროს იცვლება მენიუს ზოლში ბრძანებათა ჩამონათვალი და ცხრილის გასაფილტრი ველები. ყველა ჩანართისათვის საერთოა ბრძანებები: განახლება, მონიშვნა, ინვერსია, მოხსნა, გასვლა , (სვეტების შესახებ მოცემულია ზემოთ). 

 

1. საბუთები-ჩანართში გამოჩნდება რეალიზაციის ოპერაციის შესრულების შედეგად ბუღალტერიაში ასახული საბუთები. თუ საჭიროა რეალიზაციის ოპერაციაზე ზედნადების ატვირთვა MOF-ის სერვერზე, მაშინ ვიქცევით შემდეგი თანმიმდევრობით:

• მონიშნეთ (Space-კლავიშზე დაჭირით) ცხრილში შესრულებული ოპერაცია (საბუთი);
• გამოიყენეთ ბრძანება "ატვირთვა", ეკრანზე გამოვა ფანჯარა "ზედნადების პარამეტრები":

 

ფანჯარაში განთავსებული არის ბრძანებები შენავა, ბეჭდვა, ისტორია და გასვლა, მყიდველის გრაფის ქვეშ ავტომატურ რეჟიმში მოგვეწოდება ინფორმაცია მყიდველი დღგ-ს გადამხდელი არის თუ არა. 

ფანჯარას აქვს სამი ჩანართი: ძირითადი, ტრანსპორტი, საქონელი. 

ჩანართში "ძირითადი" ივსება შემდეგი სვეტები:

• ზედნადების ტიპი (Combo Box)-სვეტში ირჩევენ ზედნადების ტიპს (შიდა გადაზიდვა, ტრანსპორტირებით, და ა. შ. შიდა გადაზიდვის შემთხვევაში "ძირითად ჩანართში" მყიდველის რეკვიზიტების შევსების შესაძლებლობა შეზღუდულია, აღნიშნული ქმედება აღიქმება, როგორც საქონლის შიდა გადაადგილება (მაგ: ერთი საწყობიდან მეორეში), აქედან გამომდინარე "ტრანსპორტის ჩანართში" ტრანსპორტირების ხარჯის არჩევა შეუძლებელია (ანუ ხარჯი მყიდველს ეკუთვნის, თუ გამყიდველს));
• ნომერი და თარიღი-ნომერს ავტომატურად ანიჭებს შემოსავლების სამსახურის პროგრამა ზედნადების აქტივაციისას. თარიღიც ავტომატურად ენიჭება (აქტივაციის ანუ ტრანსპორტირების დაწყების თარიღი), თუმცა შესაძლებელია ჯერ არ დამდგარი თარიღის ჩაწერაც. ეს შესაძლებლობა გამოიყენება მაშინ, როდესაც ავტომანქანა იტვირთება წინა დღეს და ტრანსპორტირება იწყება მეორე დღეს. ამ დროს წინასწარ ჩავწერთ ტრანსპორტირების სავარაუდო დაწყების თარიღსა და დროს (მეორე დღის თარიღი და დრო). ზედნადებიც გააქტიურდება მითითებული თარიღით.
• მყიდველი-სვეტში იწერება მყიდველის დასახელება. სვეტი აქტიურია იმ შემთხვევაში, თუ ღილაკი "არა რეზიდენტი" ჩართულია;
• ს/ნ-სვეტში იწერება მყიდველის საიდენტიფიკაციო ნომერი. ამის შედეგად სვეტში "მყიდველი" ავტომატურად ჩაიწერება მყიდველის დასახელება;
• ჩამბარებელი-პირი ვინც უშუალოდ ჩააბარა საქონელი დანიშნულების ადგილზე (სვეტის შევსება შემოსავლების სამსახურისათვის არ არის აუცილებელი);
• მიმღები-პირი რომელმაც უშუალოდ ჩაიბარა საქონელი (სვეტის შევსება შემოსავლების სამსახურისათვის არ არის აუცილებელი);
• თარიღი-ჩაბარების თარიღი და დრო;

ჩანართში "ტრანსპორტირება" გადასვლა ხდება მაუსის დახმარებით, ეკრანზე გამოჩნდება ახალი სვეტები: 

• ტრანსპორტირების სახე (Combo Box)-ვირჩევთ ტრანსპორტის სახეს;
• მძღოლი-სვეტში იწერება ავტო სატრანსპორტო საშუალების მძღოლის სახელი და გვარი. სვეტი აქტიურია იმ შემთხვევაში, თუ ღილაკი "არა რეზიდენტი" ჩართულია;
• პირადი №-სვეტში იწერება მძღოლის პირადი ნომერი (ან ვირჩევთ ჩამოსაშლელი ღილაკის დახმარებით), ამის შედეგად სვეტში "მძღოლი" ავტომატურად ჩაიწერება მძღოლის სახელი და გვარი (როცა ღილაკი "არა რეზიდენტი" არაა ჩართული);
• მანქანის №-ავტომანქანის სახელმწიფო ნომერი. კომპანიის საკუთარ ავტო-პარკში შემავალი ავტომანქანების სახელმწიფო ნომრები აუცილებლად ანდა აიტვირთოს ავტო-პარკში (rs.ge-ზე), იმისათვის რომ, ისინი გამოჩნდეს სისტემაში მანქანის ნომრის ასარჩევ სვეტში. საკუთარი ავტო-პარკის ატვირთვას (rs.ge-ზე) აქვს სხვა დანიშნულებაც, კერძოდ, ამ შემთხვევაში აღარ ივსება ტრანსპორტირების ხარჯის სვეტები:

• მისაბმელის №-ავტომანქანის მისაბმელის სახელმწიფო ნომერი;
• გამგზავნის მისამართი-სვეტში იწერება საქონლის გამგზავნის მისამართი;
• ხარჯი-ტექსტურ სვეტში იწერება ტრანსპორტირების ხარჯი, ხოლო გვერდით მდებარე Combo Box-ში ხდება ტრანსპორტირების ხარჯის გადამხდელის არჩევა. არჩეულის გაუქმება ხდება მაუსის მარჯვენა ღილაკზე დაჭერით. ტრანსპორტირების ხარჯის სვეტი აქტიურდება იმ შემთხვევაში თუ მანქანის ნომრის სვეტში ჩავწერთ ისეთი მანქანის ნომერს, რომელიც არ არის ატვირთული ავტოპარკში (ე. ი. საკუთარი ავტოპარკისაგან განსხვავებულ მანქანის ნომერს). თუ ტვირთი გადააქვს მყიდველს თავისი (ან დაქირავებული) ავტომანქანით, მაშინ ხარჯის სვეტში დარჩება ჩანაწერი "0", ხოლო თუ ტვირთი გადააქვს გამყიდველს დაქირავებული მანქანით (რომელიც არ აქვს ატვირთული ავტოპარკში), მაშინ ხარჯის სვეტში იწერება გადაზიდვისათვის გაწეული (დარიცხული) ხარჯი;

 

ჩანართში "საქონელი" გადასვლა ასევე ხდება მაუსის დახმარებით. ეკრანზე გამოდის ფორმა, სადაც მოცემულია ასატვირთი ზედნადების საქონლის ჩამონათვალი ძირითადი მახასიათებლებით. ჩანართში შესაძლებელია აგრეთვე ცალკეული საქონლისათვის დღგ-ის ტიპის შეცვლა, რაც გავლენას მოახდენს ანგარიშ-ფაქტურის ატვირთვის დროს დღგ-ის თანხის ფორმირებაზე ანგარიშ-ფაქტურაში: 

 

 

ფანჯარას "ზედნადების პარამეტრები" აქვს მენიუს ზოლი სტანდარტული ბრძანებებით: შენახვა, ბეჭდვა**, გასვლა. 

 

ჩანართში "საბუთები" საბუთის ატვირთვის შემდეგ მენიუს ზოლში ატვირთვის ღილაკის ადგილზე გამოდის ღილაკი "აქტივაცია", რომლის დახმარებითაც შესაძლებელია ზედნადების გააქტიურება, შედეგად მენიუში განთავსდება ღილაკი "დასრულება": 

 

 

 

მენიუს ზოლში განთავსებულია აგრეთვე ბრძანება "გადაბმის წაშლა" იგი უზრუნველყოფს MOF-ის სერვერზე ატვირთული სასაქონლო ზედნადების საიტზე წაშლის (გაუქმების) შემდეგ მის წაშლას (გაუქმებას) სისტემაშიც (იგი აქტიურდება სასაქონლო ზედნადების შემოსავლების სამსახურის საიტიდან წაშლის შემდეგ) ან ატვირთული და არააქტივირებული ზედნადების გადაბმის წაშლას (თუ გადავიფიქრეთ საქონლის რეალიზაცია საერთოდ). შედეგად მომხმარებელს მიეცემა საშუალება, რომ თავიდან ატვირთოს სასაქონლო ზედნადები. თუ არ მოხდა სისტემაში გადაბმის წაშლა მაშინ განმეორებით ატვირთვა ვერ მოხერხდება. 

 

2. ზედნადებები-ჩანართში განახლების შემდეგ გამოჩნდება ჩვენს მიერ ატვირთული სასაქონლო ზედნადებები. ჩანართიდან ხდება ატვირთული სასაქონლო ზედნადების აქტივაცია, გაუქმება, რედაქტირება და წაშლა. ამ მოქმედებათა შესასრულებლად ვიყენებთ მენიუს ზოლში განთავსებულ შესაბამის ბრძანებებს: 

• აქტივაცია-ბრძანების გამოყენების შემდეგ ხდება სასაქონლო ზედნადების აქტივაცია, მხოლოდ ამის შემდეგაა კანონმდებლობით ნებადართული საქონლის ტრანსპორტირება. მენიუს ზოლში გამოვა ახალი ბრძანება-"დასრულება";
• დასრულება-ბრძანება მენიუს ზოლში გამოდის აქტივაციის შემდეგ. მისი გამოყენების შემდეგ ხდება სასაქონლო ზედნადების სერვერზე ატვირთვის პროცესის დასრულება და ამის შემდეგ მისი რედაქტირება, გაუქმება ან წაშლა შეუძლებელია. აღნიშნული მოქმედება სრულდება საქონლის მყიდველისათვის ჩაბარების პროცესის დასრულების შემდეგ;
• გაუქმება-ბრძანების გამოყენების შედეგად ხდება სასაქონლო ზედნადების აქტივაციის გაუქმება;
• რედაქტირება-ბრძანება იძლევა საშუალებას დარედაქტირდეს ჩანაწერები ფანჯარაში "ზედნადების პარამეტრები". რედაქტირებას დაქვემდებარებული ველების რაოდენობა დამოკიდებულია სასაქონლო ზედნადების სტატუსზე. კერძოდ, მხოლოდ ატვირთული (ჩანართიდან "საბუთები") ზედნადების შემთხვევაში შესაძლებელია ყველა ველის რედაქტირება; აქტივირებული სასაქონლო ზედნადების (სტატუსი "აქტიური") შემთხვევაში შეიძლება მხოლოდ ჩამბარებლის, მიმღების, შენიშვნისა და ჩაბარების თარიღის (გონივრულად) შეცვლა. დასრულებული სტტუსის მქონე ზედნადების პარამეტრების შეცვლა, როგორც ზემოთ აღვნიშნეთ აღარ ხორციელდება;

ატვირთული ზედნადების კორექტირება 

სიტემა საშუალებას გაძლევთ დააკორექტიროთ გააქტიურებული ელექტრონული ზედნადები. თავდაპირველად ხდება რეალიზაციის საბუთის კორექტირება, მომდევნო ეტაპზე გააქტიურებულ ელექტრონული ზედნადების გახსნა რედაქტირების ბრძანებით, შედეგად ეკრანზე განთავსდება შემდეგი სახის ფანჯარა: 

 

საქონლის ჩანართში გადასვლის დროს საქონლის ჩამონათვალი წარმოდგენილი არის პირვანდელი საბუთით. რედაქტირების ბრძანების გამოყენების შემდეგ კი საქონლის ჩამონათვალი ცვლილებას განიცდის, რეალიზაციის საბუთში შეტანილი ცვლილების შესაბამისად. 

 

დაკორექტირებული საქონელი წარმოდგენილი არის ყვითელი ფერით, დამატებული მწვანეთი, ხოლო წაშლილი წითელი ფერით. ბრძანებით "შენახვა" შესრულდება ზედნადების კორექტირება. ბრძანება "ისტორია" უზრუნველყოფს ელექტრონული ზედნადების კორექტირების შესახებ ინფორმაციის მოწოდებას, ეკრანზე კი გამოდის შემდეგი ფანჯარა "აირჩიეთ კორექტირება": 

 

არჩევის ბრძანების გამოყენებით ეკრენზე განთავსდება შესაბამისი კორექტირებული ზედნადები ნახვის რეჟიმში.

• იმპორტი- მისი საშუალებით ხდება ყველა იმ სასაქონლო ზედნადების ნომრის იმპორტი და ჩაწერა "საბუთების" ფორმის შესაბამის სვეტში, რომელის შესრულებაც შესაძლებელია. კერძოდ, შესაძლებელია ყველა იმ სასაქონლო ზედნადების ნომრის იმპორტი, რომელიც ატვირთულია და გააქტიურებულია სისტემიდან, ან ატვირთულია სისტემიდან, მაგრამ გააქტიურებულია rs.ge-ზე. თუ სასაქონლო ზედნადები აიტვირთა და გააქტიურდა rs.ge-ზე, ხოლო სისტემაში მისი შეყვანა მოხდა ხელით, მაშინ ასეთი სასაქონლო ზედნადების ნომრის იმპორტი სისტემაში ვერ განხორციელდება.
• წაშლა-ბრძანების დახმარებით ხდება მხოლოდ ატვირთული (ჩანართიდან "საბუთები") სასაქონლო ზედნადების წაშლა.

 

3. მიღებული ზედნადებები-ჩანართში ხდება ჩვენს MOF-ის სერვერზე ატვირთული სასაქონლო ზედნადების ნახვა. ჩანართში თითოეულ სტრიქონზე რედაქტირების რეჟიმში გადასვლის დროს ეკრანზე გამოდის ფანჯარა "ზედნადების პარამეტრები". დისტრიბუციის ტიპის ზედნადებებისათვის ზედნადების პარამეტრების ფანჯარას დამატებული აქვს ჩანართი "ქვე ზედნადებები", რომელიც გამოჩნდება მხოლოდ იმ შემთხვევაში, თუ ქვე-ზედნადების ჩანართი შეიცავს ჩანაწერებს (თუ ცარიელია, მაშინ ზედნადების პარამეტრების ფანჯარა გამოდის ქვე-ზედნადებების ჩანართის გარეშე). ამ ჩანართში შეიძლება დისტრიბუციის პროცესში ბორტიდან (მანქანიდან ხელის კომპიუტერის საშუალებით) ატვირთული ქვე-ზედნადების ბის ნახვა: 

 

სისტემა საშუალებას იძლევა მომწოდებლისაგან ატვირთული და დასრულებული ზედნადების მიხედვეთ მოწოდებული საქონელი ავტომატურად ავიყვანოთ შემოსავალში გარკვეული პირობების შესრულების შემდეგ. მიღებული ზედნადებების ჩანართში დასრულებული ზედნადებების რედაქტირებისას ზედნადების პარამეტერბის ფანჯარაში მენიუს ზოლში არის ბრძანება "ბუღალტერიაში ასახვა", რომელიც საშუალებას გვაძლევს მოწოდებული საქონელი ავიყვანოთ შემოსავალში: 

 

ფანჯარაში განთავსებული არის ბრძანებები შენავა, ბეჭდვა, ბუღალტერიაში ასახვა, ისტორია და გასვლა, მყიდველის გრაფის ქვეშ ავტომატურ რეჟიმში მოგვეწოდება ინფორმაცია გამყიდველი დღგ-ს გადამხდელი არის თუ არა. 

"ბუღალტერიაში ასახვა" ბრძანების გამოყენების შემდეგ ეკრანზე გამოდის ფორმა "შემოსავალი" (საქონლის შეძენა შიდა ბაზარზე): 

 

ფორმაში შესვლისას დააჭირეთ ბრძანებას "ავტომატური შევსება", თუ საქონლის კოდი მოიძებნება სისტემის ცნობარში მაშინ ავტომატურად შეივსება საქონლის შესაბამისობის ველები (სვეტი "დასახელება"). თუ ვერ შეივსო ავტომატურად საქონლის დასახელებები, ეს იმას ნიშნავს, რომ კოდის სვეტში ჩაწერილი შტრიხკოდები ვერ მოიძებნა სისტემის ცნობარში და საჭიროა ხელით მოვახდინოთ შესაბამისობის დადგენა. კერძოდ, გამოიყენეთ მაუსი სურათზე მითითებულ ველში მითითებულ ადგილზე (-ღილაკზე). ეკრანზე გამოვა ფორმა "აირჩიეთ საქონელი" (საქონლის ცნობარი): 

 

ცნობარიდან ავირჩევთ შესაბამის საქონელს და შევინახავთ (ვაჭერთ "შენახვას"), არჩეული საქონელი ჩაემატება საქონლის დასახელების სვეტში (წინა ფორმაში-"შემოსავალი"). 

შემოსავლის ფორმაში შეაძლებელია დღგ-ის, საქონლის ფასისა და თანხის რედაქტირება.თუ საჭიროა არჩეული საქონლის დასახელების შეცვლა და ახალი შესაბამისობის დადგენა, მაშინ განმეორებით დააჭირეთ -ღილაკს, ხოლო შესაბამისობის წასაშლელად--ღილაკს.პირველ შემთხვევაში ეკრანზე გამოვა შეტყობინება "შევცვალოთ ამ საქონლის შესაბამისობა?", ხოლო მეორე შემთხვევაში-"წავშალოთ ამ საქონლის შესაბამისობა?". ორივე შეტყობინებას აქვს დადასტურებისა (Yes) და უარყოფის (No) ღილაკები, შესაბამისობის შესაცვლელად ან წასაშლელად ვაჭერთ Yes-ღილაკზე.თუ კონკრეტული მომწოდებლისათვის ერთხელ მაინც გვქონდა საქონლის შესაბამისობა დადგენილი, მაშინ ფორმაში შესვლის დროს შესაბამისობა დადგენილი დაგვხვდება. 

ფორმაში შესყიდვის ფასის წინა შესყიდვის ფასთან შესადარებლად გამოტანილია სვეტი "შეძენის ფასი" (ბოლო შესყიდვის ფასი). როდესაც მიმდინარე შესყიდვის ფასი ნაკლებია წინა (ბოლო) შესყიდვის ფასზე, მაშინ "შეძენის ფასის" სვეტში ბოლო შესყიდვის ფასი მწვანე ფერიითა, ხოლო თუ ახალი შესყიდვის ფასი მეტია წინა (ბოლო) შესყიდვის ფასზე, მაშინ ბოლო შესყიდვის ფასი წითელი ფერისაა. 

ცხრილის თავზე განთავსებულია ღილაკი გადამრთველები: "სისტემაში" და "საწყობის მიხედვით". როდესაც ჩართულია ღილაკი "სისტემაში" მაშინ სვეტში "შეძენის ფასი " გამოჩნდება მთლიანად სისტემაში ბოლო შესყიდვის ფასი, ხოლო თუ ჩართულია ღილაკი "საწყობის მიხედვით", მაშინ კონკრეტული საწყობისათვის ბოლო შესყიდვის ფასი. 

ფორმაში "შემოსავალი" საქონლის შესაბამისობის დადგენის შემდეგ დააჭირეთ ღილაკს "შენახვა", შედეგად შესრულდება საქონლის შემოსავალში აყვანის ოპერაცია, რაც შესაბამისი ბუღალტრული გატარებებით აისახება ბუღალტერიაში (გატარებული საბუთები). 

ბრძანება "ისტორია" უზრუნველყოფს ელექტრონული ზედნადების კორექტირების შესახებ ინფორმაციის მოწოდებას, ეკრანზე კი გამოდის შემდეგი ფანჯარა "აირჩიეთ კორექტირება": 

 

არჩევის ბრძანების გამოყენებით ეკრენზე განთავსდება შესაბამისი კორექტირებული ზედნადები ნახვის რეჟიმში.