დაგეგმილი შეკვეთები არის მოდულის საქონლი ბრძანება (საქონელი => დაგეგმილი შეკვეთები), რომლის დანიშნულებაა საქონელზე შეკვეთების დაგეგმვა. ფორმა ამარტივებს მომარაგების პროცესს, ზოგადად გამოიყენება ორგანიზაციის შეკვეთების შესასრულებლად (ცენტრალური საწყობიდან დროულად, რომ მიეწოდოს საქონელი მიმღებ საწყობს), საწყობებს შორის შეკვეთების შესასრულებლად, აადვილებს წარმოების დაგეგვმის პროცესს, რადგან საშუალებას გვაძლევს წინასწარ დავგეგმოთ, თუ რა ნედლეული, რა ოდენობით და რომელ თარიღში უნდა გადავიტანოთ ნედლეულის საწყობიდან წარმოების საწყობში. ფორმით შესაძლებელია დაუმთავრებელ მშენებლობაზე საამშენებლო მასალების გადატანის, ბორტის დაცლა-დატვირთვის, ტარის გადაადგილების შეკვეთის დაგეგმვა, წარმოებისათვის უვარგისი ნარჩენების ჩამოწერა. გარდა ზემოთ აღნიშნულისა, შეკვეთების დაგეგვმა შესაძლებელია, არა მხოლოდ ერთი ორგანიზაციის საწყობებს შორის, არამედ სხვადასხვა ორგანიზაციებს შორის, თუ ორივე ორგანიზაცია მუშაობს "Apex ERP" -ში. 

ფორმის უპირატესობა მდგომარეობს შემდეგში: თვალსაჩინოა ნაშთის ოდენობა საწყობებში, რაც აადვილებს ოპტიმალური საქონლის რაოდენობის შეკვეთას. 

ბრძანების გამოყენებით, ეკრანზე გამოდის ფორმა „დაგეგმილი შეკვეთები“: 

 

ფორმას აქვს თარიღის შუალედის ასარჩევი ელემენტი. ფორმა წარმოადგენს Grid-ს. ფორმაში ოპერაციების შესრულებას უზრუნველყოფს შემდეგი ბრძანებები: 

ფორმაში მოქმედებები სრულდება მენიუდან ბრძანებების დახმარებით:

• განახლება;
• მონიშვნა, ინვერსია, მოხსნა;
• დამატება-ბრძანების გამოყენების შემდეგ, ეკრანზე გამოდის ფორმა "დამატება":

• ივსება შემდეგი გრაფები:
  • თარიღი;
  • გაშვების თარიღი-შეკვეთის გაშვების თარიღი;
  • შეკვეთის №-ვუთითებთ შეკვეთის ნომერს ხელით ან მოხრილ ისარზე მაუსის მარჯვენა ღილაკზე დაჭერით;
  • ოპერაცია (Combo box)-გრაფაში არჩეულია ოპერაცია "საქონლის გადაადგილება";
  • გამგზავნი (Combo box)-გრაფაში ირჩევენ გამგზავნ საწყობს, საიდანაც უნდა შეგროვდეს შეკვეთისათვის საჭირო საქონელი;
  • მიმღები (Combo box)-ირჩევენ საწყობს საიდანაც მოხდება შეკვეთის გაშვება;
  • შენიშვნა-გრაფაში კეთდება სასურველი ჩანაწერები, რომელიც გამოჩნდება ცხრილში ცალკე ზოლზე შენიშვნის ბრძანებაზე დაჭერის შემდეგ.
• ფანჯარას აქვს მენიუ შემდეგი ბრძანებებით:
  • შენახვა;
  • გასვლა;
  • მონიშვნა, ინვერსია, მოხსნა;
  • დამატება-ბრძანების გამოყენებით ეკრანზე გამოდის დიალოგური ფანჯარა "დამატება", საიდანაც ხდება შეკვეთაში საქონლის დამატება:

 

ფანჯარაში ივსება შემდეგი გრაფები:

• შტრიხკოდი* (Combo box)-გრაფაში ირჩევენ შტრიხკოდს ან შეაქვთ სკანერით, გრაფაში "საქონელი" ავტომატურად ჩაიწერება საქონლის დასახელება;
• საქონელი (Combo box)-ირჩევენ საქონლის დასახელებას და გრაფაში "შტრიხკოდი" ავტომატურად ჩაიწერება საქონლის შტრიხკოდი;
• რაოდენობა-გრაფაში ხელით იწერება საქონლის რაოდენობა.

ფანჯარას აქვს მენიუ სტანდარტული ბრძანებებით: შენახვა, გასვლა. 

* შენიშვნა: თუ შტრიხკოდის ველში ხელით ჩაწერთ არარსებულ შტრიხკოდს, მაშინ საქონლის გრაფის წინ გაჩნდება წითელი ღილაკი-, რომელიც გვანიშნებს, რომ ასეთი საქონელი არ არსებობს გამგზავნ საწყობში.

• რედაქტირება;
• წაშლა;
• იმპორტი.

ფორმაში "დამატება" მოქმედებების შესრულება შესაძლებელია კონტექსტური მენიუს საშუალებითაც, რომელსაც მთავარი მენიუს ბრძანებების გარდა დამატებით აქვს ბრძანება "ანალიზი"

• კოპირება;
• რედაქტირება;
• წაშლა;
• ბეჭდვა;
• ბუღალტერიაში ასახვა-ბრძანების გამოყენების შედეგად ეკრანზე გამოდის გამაფრთხილებელი შეტყობინება:

 

დადასტურების შემთხვევაში (Yes) შეკვეთა აისახება ბუღალტერიაში და გამოჩნდება "გატარებულ საბუთებში". თუ დავაპირებთ ისეთი შეკვეთის ბუღალტერიაში ასახვას, რომლის ჩამონათვალშიც არის ისეთი საქონელი, რომელის ნაშთიც არ არსებობს გამგზავნ საწყობში, მაშინ ეკრანზე გამოვა შეტყობინება: "არ არსებობს საკმარისი ნაშთი". ბრძანების გამოყენების შედეგად შეკვეთას წინ ჩაერთვება ალამი და გადაადგილების ოპერაცია გამოვა ეკრანზე, შედეგად ბრძანება "ბუღალტერიაში ასახვა" გარდაიქმნება ბრძანებად "დეტალები", რომელიც გვიჩვენებს ბუღალტერიაში ასახულ საბუთს.

• დეტალები-ბრძანების ღილაკზე დაჭერით ეკრანზე გამოდის ორი ჩანართი:
  • დეტალები-იგი წარმოადგენს ცხრილს, რომელშიც მოცემულია შეკვეთაში შემავალი თითოეული საქონელი დეტალურად (გაშიფრულია). თუ რომელიმე საქონლის ნაშთი არ არსებობს გამგზავნ საწყობში, მაშინ მისი შესაბამისი სტრიქონი ცხრილში იქნება გაწითლებული.
  • რეზერვი-ჩანართში მოცემულია უკვე არსებული შეკვეთების სია, რომელშიც დაგეგმილია ჩანართში "დეტალები" მონიშნული საქონელი, რომელიც ექვემდებარება საწყობიდან საწყობში გადატანას დაგეგმილი შეკვეთისათვის;
• შენიშვნა-ბრძანების გამოყენებით ცხრილში შეკვეთის ქვემოთ ჩნდება ზოლი, სადაც გამოჩნდება დამატების ფორმაში არსებულ შენიშვნის გრაფაში გაკეთებული ჩანაწერები:

• გასვლა.

დაგეგმილი შეკვეთების ფორმაში ოპერაციების შესრულება შეიძლება კონტექსტური მენიუს ბრძანებების გამოყენებითაც. 

 

იხილეთ აგრეთვე: 

 

ცხრილი (Grid), დაგეგმილი შეკვეთები, საქონლის გადაადგილება.