ფასმაჩვენებლების ბეჭდვა - არის საწყობის მოდულის ბრძანება. იგი უზრუნველყოფს საქონლის სარეალიზაციო ფასის ამსახველი სხვადასხვა დიზაინისა და ფორმატის ფასმაჩვენებლების ბეჭდვას. ფასმაჩვენებლების ბეჭდვა დაკავშირებულია კომპანიების მოდულთან, საშუალებას გვაძლევს იერარქიული ხიდან ავირჩიოთ ჩვენთვის სასურველი ფილიალი და ამ ფილიალში არსებული ფასების მიხედვით დავბეჭდოთ ფასმაჩვენებლები. 

დასაბეჭდი ფასმაჩვენებლების სიის ფორმირება შესაძლებელია სხვადასხვა მეთოდის გამოყენებით: 

1. ხელით დამატებით; 

2. სკანერის გამოყენებით დამატებით; 

3. დოკუმენტიდან დაიმპორტებით (დამატებით იხ. ქვემოთ "იმპორტი"); 

4. მონაცემთა შეკრების ტერმინალიდან დაიმპორტებით (დამატებით იხ. ქვემოთ "იმპორტი"); 

5. ანდროიდის სისტემის მქონე მოწყობილობიდან (დამატებით იხ. ქვემოთ "იმპორტი"); 

6. წინასწარ შექმნილი Excel-ის ფაილიდან - (დამატებით იხ. ქვემოთ "იმპორტი"). 

 

"ფასმაჩვენებლების ბეჭდვა" ბრძანების გამოყენების შედეგად ეკრანზე განთავსდება შემდეგი სახის ფორმა: 

 

ფორმის მარცხენა ნაწილში განთავსებულია მოძრავი ჩანართი "შაბლონები", სადაც კონტექსტური მენიუს გამოძახებით შესაძლებელია დაემატოს ფასმაჩვენებლის ახალი ჯგუფი ან დარედაქტირდეს უკვე არსებული ჯგუფის პარამეტრები, ხოლო მარჯვენა ნაწილი განკუთვნილია საქონლის სიის ფორმირებისთვის. 

ფასმაჩვენებლების ჯგუფის შესაქმნელად ფორმის მარცხენა ნაწილში გამოიძახეთ კონტექსტური მენიუ (მაუსზე მარჯვენა ღილაკზე დაჭერით): 

• განახლება - ბრძანების გამოყენებით მოხდება ფანჯარაში მონაცემების განახლება;
• დამატება - ბრძანების გამოყენებით ეკრანზე განთავსდება დიალოგური ფანჯარა "დამატება":

 

ფანჯარას აქვს შემდეგი გრაფები: 

- ფილიალი - ჩამოსაშლელი ღილაკი განკუთვნილია იმ ფილიალის ასარჩევად, რომლის ფასმაჩვენებლების დაბეჭდვაც გვსურს (სხვადასხვა ფილიალს ერთსა და იმავე საქონელზე შესაძლებელია განსხვავებული საცალო ან საბითუმო სარეალიზაციო ფასი ჰქონდეს, შესაბამისად საჭიროა ფილიალების მიხედვით ფასმაჩვენებლების გამიჯვნა); 

- თარიღი -გრაფაში ავტომატურად ჩაიწერება მიმდინარე თარიღი, თუმცა შესაძლებელია მისი ცვლილება; 

- კომენტარი - გრაფა განკუთვნილია კომენტარის სახით სასურველი ინფორმაციის მისათითებლად; 

- შენახვა - ბრძანების გამოყენებით ხდება ახალი ჩანაწერის დამატება, ან ფანჯარაში შეტანილი ცვლილებების დამახსოვრება; 

- გასვლა - ბრძანების გამოყენებით მოხდება დიალოგური ფანჯრის დახურვა.

• რედაქტირება - ბრძანების გამოყენებით შესაძლებელია ფასმაჩვენებლის არსებული ჯგუფის დარედაქტირება;
• წაშლა - ბრძანების გამოყენებით მოხდება როგორც ფასმაჩვენებლის ჯგუფის, ასევე მასში შემავალი საქონლის სიის გასუფთავებაც. ბრძანების გამოყენებით ეკრანზე განთავსდება დიალოგური ფანჯარა:

 

თანხმობის შემთხვევაში (Yes) მოხდება ჯგუფისა და მასზე მიმაგრებული საქონლის სიის წაშლა, No ბრძანების გამოყენებით დაიხურება დიალოგური ფანჯარა. 

ფორმის მარცხენა ნაწილში ვხვდებით შემდეგ ფილტრებს:

• თარიღი - თარიღის ფილტრი განკუთვნილია ფასმაჩვენებლის ჯგუფის გასაფილტრად მისი შექმნის თარიღის მიხედვით;
• ფილიალი - გრაფა განკუთვნილია ფასმაჩვენებლის ჯგუფების გასაფილტრად სასურველი ფილიალის მიხედვით;
• რეპორტი - გრაფა განკუთვნილია სასურველი დიზაინისა და ფორმატის საბეჭდი რეპორტის ასარჩევად (ჩამონათვალის ღილაკის ჩამოშლის შემდეგ გამოჩნდება იმ საბეჭდი რეპორტების ჩამონათვალი, რომლებიც გამზადებულია დინამიურად წინასწარ და რომელზეც წვდომა აქვს პროგრამის მომხმარებელს).

 

მენიუს ზოლში განთავსებულია ბრძანებები, რომლებიც გავლენას ახდენენ ფორმის მარჯვენა (საქონელი) ნაწილზე:

• განახლება;
• მონიშვნა, ინვერსია, მოხსნა;
• ბეჭდვა - ბრძანება უზრუნველყოფს ფასმაჩვენებლების დაბეჭდვას ფორმირებული სიის შესაბამისად. ბრძანების გამოყენებით ეკრანზე განთავსდება არჩეული ფასმაჩვენებლის რეპორტის შესაბამისი საბეჭდი ფორმა;
• იმპორტი - ბრძანება უზრუნველყოფს საქონლის სიის ჩამოტვირთვას ფასმაჩვენებლის შესაბამის ჯგუფში (მაგ: თანამშრომელმა შენიშნა, რომ სავაჭრო დარბაზში საქონელს ფასმაჩვენებელი არ აქვს მიმაგრებული. ასეთ შემთხვევაში შესაძლებელია ადგილზე შექმნას იმპორტისთვის საჭირო ფაილი ე.წ. მონაცემთა შეკრების ტერმინალით, ანდროიდის ვერსიის მქონე მოწყობილობით ან Excel-ის ფაილით):

• დოკუმენტიდან იმპორტი - საშუალებას გაძლევთ ანდროიდის ვერსიის მქონე მოწყობილობის (ასეთ შემთხვევაში ფაილი ავტომატურად აისახება მონაცემების რეესტრში) ან მონაცემთა შეკრების ტერმინალის გამოყენებით შექმნილი ფაილი დააიმპორტოთ პროგრამაში, ბრძანების გამოყენებით ეკრანზე განთავსდება შემდეგი სახის ფორმა:

 

დოკუმენტის ასარჩევად დადექით შესაბამის სტრიქონზე და გამოიყენეთ თანხმობის ღილაკი ან დააჭირეთ ჩანაწერს ორჯერ, შედეგად ეკრანზე განთავსდება დამატებითი ფანჯარა სადაც მოცემულია მოწყობილობაში შექმნილ ფაილში შეტანილი საქონლის ჩამონათვალი: 

 

ფანჯრის ზედა ნაწილში განთავსებულია ბრძანებები: 

- შენახვა - გულისხმობს მონიშნული საქონლის დამატებას ფასმაჩვენებლების საბეჭდ ჯგუფში. ბრძანება აქტიურდება საქონლის სიის/ რამდენიმე საქონლის მონიშვნის შემდეგ; 

- მონიშვნა, ინვერსია, მოხსნა; 

- გასვლა.

• TSD-დან იმპორტი - ბრძანების გამოყენებით შესაძლებელია მონაცემთა შეკრების ტერმინალიდან საქონლის სიის ავტომატური დაიმპორტება;
• ექსელიდან იმპორტი - ბრძანება გამოიყენება დასაბეჭდი ფასმაჩვენებლების დასაიმპორტებლად წინასწარ შექმნილი ფაილიდან (Microsoft Excel-ის ფაილი, SQLOLEDB და VFPOLEDB ფაილები). "ექსელიდან იმპორტი" მოიცავს ორ ბრძანებას: იმპორტი და შაბლონის გენერაცია.
  • შაბლონის გენერაცია - ბრძანება უზრუნველყოფს Microsoft Excel-ის ფაილის გადმოწერას თქვენს კომპიუტერში (გადმოწერის შედეგად ავტომატურად გაიხსნება Microsoft Excel-ის ფაილი). შაბლონში პირველ სტრიქონზე მოცემულია სვეტების დასახელებები "შტრიხკოდი" და "რაოდენობა", რომლის შევსების და შენახვის შემდეგ გაქვთ ფაილის დაიმპორტების საშუალება;
  • იმპორტი - ფაილის შაბლონის შევსების შემდეგ აირჩიეთ ბრძანება "იმპორტი". შედეგად ეკრანზე განთავსდება შემდეგი სახის დიალოგური ფანჯარა:

 

ფანჯარაში მოცემულია შემდეგი გრაფები: 

- პროვაიდერი - გრაფა განკუთვნილია პროვაიდერის ასარჩევად. თუ ცხრილი შექმნილია Microsoft Excel-ში, პროვაიდერის სვეტში ვირჩევთ Microsoft.ACE.OLEDB.12.0 ან Microsoft.Jet.OLEDB.4.0; 

- ფაილი - გრაფა განკუთვნილია ფაილის ასარჩევად. გრაფის გასწვრივ არსებულ ღილაკზე - - დაჭერით შეძლებთ მოძებნოთ სასურველი ფაილი, სადაც შევსებული გექნებათ ცხრილის მონაცმები საქონლის შტრიხკოდებითა და რაოდენობით. ფაილის მოძიების შემდეგ "Open" ბრძანებაზე დაჭერით ფაილის მისამართი ჩაიწერება გრაფაში; 

- ფურცელი - გრაფა განკუთვნილია Excel-ის ფაილის იმ ფურცლის (Sheet) ასარჩევად, რომელ ფურცელზეც განთავსებულია ცხრილის მონაცემები. თუ ცხრილის სვეტებს არ აქვს სათაური, მაშინ უნდა ამორთოთ ღილაკი "შეიცავს სათაურებს"; "OK" ღილაკზე დაჭერით ეკრანზე განთავსდება შემდეგი სახის ფორმა: 

 

დიალოგური ფანჯარა შედგება ორი ნაწილისგან: ზედა მხარეს მოცემულია ფაილში არსებული და სასაქონლო ცნობარებში რეგისტრირებული საქონელი, ხოლო ქვედა მხარეს მოცემული იქნება ისეთი შტრიხკოდები, რომლებიც ვერ მოიძებნა რეგისტრირებულ საქონელში ან არ აკმაყოფილებს დაიმპორტებისთვის საჭირო კრიტერიუმებს. მონაცემების დაიმპორტებისთვის დააჭირეთ ღილაკს შენახვა, სხვა შემთხვევაში ისარგებლეთ გასვლის ღილაკით.

• ავტომატური დამატება - ბრძანება უზრუნველყოფს სკანერის გამოყენებით ფასმაჩვენებლების ჯგუფში საქონლის რაოდენობების ავტომატურ დამატებას. ბრძანების ჩართვის შემთხვევაში ღილაკს აქვს შემდეგი სახე:

 

საქონლის შტრიხკოდზე სკანერით დანათებისას თუ საქონელი არ არის ჩამატებული ფასმაჩვენებლის ჯგუფის სასაქონლო სიაში, ავტომატურად მოხდება მისი ჩამატება და დასაბეჭდი ფასმაჩვენებლის რაოდენობის გრაფაში ჩაიწერება ციფრი 1. თუ საქონელი უკვე არსებობს სიაში, გაიზრდება დასაბეჭდი ფასმაჩვენებლების რაოდენობა ერთი ერთეულით. 

როდესაც ავტომატური დამატება არ არის ჩართული, ღილაკს აქვს შემდეგი სახე: 

 

ამ შემთხვევაში, საქონლის შტრიხკოდზე სკანერით დანათებისას ეკრანზე განთავსდება შემდეგი სახის დიალოგური ფანჯარა: 

 

დიალოგურ ფანჯარაში კურსორი ავტომატურად დგას რაოდენობის ჩასაწერ გრაფაზე, შესაბამისად ციფრების აკრეფის შემდეგ შენახვის ღილაკის გამოყენებით მოხდება დაფიქსირებული რაოდენობის შევსება. თუ დასკანერებული საქონლის შტრიხკოდი არსებობს სიაში, მოხდება სიაში არსებული და ახლად შეყვანილი რაოდენობების შეკრება.

• დამატება - ბრძანება უზრუნველყოფს დასაბეჭდი ფასმაჩვენებლების ფორმაში საქონლის დამატებას, მისი გამოყენებით ეკრანზე განთავსდება ფანჯარა "დამატება":

 

ფანჯარაში მწვანე ფერით გამოყოფილია ის საქონელი, რომელიც უკვე ჩამატებული გვაქვს ფასმაჩვენებლების ჯგუფის ფორმაში. 

ფანჯრის ზედა ნაწილში განთავსებულია ბრძანებები: 

- განახლება; 

- მონიშვნა, ინვერსია, მოხსნა; 

- შენახვა; 

- გაუქმება. 

 

ფანჯარაში განთავსებულია ფილტრების შემდეგი ველები: 

- დასახელება - გრაფაში შესაძლებელია მიუთითოთ პროგრამაში რეგისტრირებული საქონლის დასახელება ან დასახელების შემცველობა. განახლების ღილაკის გამოყენებით ფორმაში გამოჩნდება (გაიფილტრება) მხოლოდ ის საქონელი, რომელიც შეიცავს გრაფაში მითითებულ კომბინაცას; 

- შტრიხკოდი - გრაფაში შესაძლებელია მიუთითოთ პროგრამაში რეგისტრირებული საქონლის შტრიხკოდი ან შტრიხკოდის შემცველობა. განახლების ღილაკის გამოყენებით ფორმაში გამოჩნდება (გაიფილტრება) მხოლოდ ის საქონელი, რომელიც შეიცავს გრაფაში მითითებულ კომბინაცას; 

- კატეგორია - ჩამოსაშლელი ღილაკის დახმარებით შესაძლებელია საქონლის სიის გაფილტვრა საქონლის კატეგორიის მიხედვით; 

- მწარმოებელი - ჩამოსაშლელი ღილაკის დახმარებით შესაძლებელია საქონლის სიის გაფილტვრა საქონლის მწარმოებლების მიხედვით; 

- ფასმაჩვენებლის რაოდენობა - გრაფაში ეთითება დასაბეჭდი ფასმაჩვენებლების სასურველი რაოდენობა. რაოდენობის ზრდა ან შემცირება ასევე შესაძლებელია გრაფის გვერდით განთავსებულოი ისრების საშუალებით; 

- მონაცემების რაოდენობა - კომბინირებული ღილაკის დახმარებით შესაძლებელია ფორმა გიფილტროს პროგრამაში რეგისტრირებული საქონლის რაოდენობის მიხედვით. დამატების ბრძანების გამოყენებით ფორმაში შესვლისას ჩანს 100 საქონელი. ჩამონათვალის ჩამოსაშლელი ღილაკის გამოყენებით შესაძლებელია ფორმაში გამოვაჩინოთ 100,200,300,400,500 ან 1000 საქონელი. 

 

ფანჯარაში განთავსებულია ბრძანებების შემდეგი ღილაკები: 

- ყველას ჩაყრა - ბრძანება უზრუნველყოფს პროგრამაში რეგისტრირებული საქონლის სრული ასორტიმენტის დამატებას ფასმაჩვენებლის ჯგუფში; 

- შემდეგი - ბრძანება დაკავშირებულია მონაცემების რაოდენობის გრაფასთან (მაგ: თუ მონაცემების რაოდენობაში მითითებული გაქვთ 100 და განახლების ბრძანების გამოიყენებთ გააქტიურდება ბრძანება "შემდეგი", მასზე დაჭერით ფორმას დაემატება მომდევნო 100 ჩანაწერიც და საქონლის სიაში გამოჩნდება 200 საქონელი).

• მონიშნული ჩანაწერების რედაქტირება - ბრძანება უზრუნველყოფს მონიშნულ ჩანაწერებზე ფასმაჩვენებლის დასაბეჭდი რაოდენობის რედაქტირებას. ბრძანების გამოიყენება შესაძლებელია მაშინაც, როდესაც რამდენიმე საქონელზე ერთდროულად გსურთ შეცვალოთ დასაბეჭდი ფასმაჩვენებლის რაოდენობა. ბრძანება აქტიურია, თუ ფასმაჩვენებლის ბეჭდვის ჯგუფში დამატებულია საქონელი.

"მონიშნული ჩანაწერების რედაქტირების" გამოყენებით ეკრანზე განთავსდება ფანჯარა "რაოდენობის რედაქტირება": 

 

რაოდენობის გრაფა განკუთვნილია დასაბეჭდი ფასმაჩვენებლების რაოდენობის მისათითებლად. შესაძლებელია რაოდენობის ზრდა ან შემცირება გრაფის გვერდით განთავსებული ისრების საშუალებით. შენახვის ბრძანებით მონიშნული საქონლის პოზიციებზე გავრცელდება გრაფაში მითითებული რაოდენობა, ხოლო გასვლის ბრძანებით მოხდება დიალოგური ფანჯრის დახურვა და შეყვანილი მონაცემის გაუქმება.

• სიის რედაქტირება - ბრძანება აქტიურია, თუ ფასმაჩვენებლის ბეჭდვის ფორმაში დამატებულია საქონელი. მისი გამოყენებით ფორმაში რედაქტირებადი ხდება რაოდენობის სვეტი,შედეგად ფორმის ზედა ნაწილში აქტიურდება ბრძანებები შენახვა და გაუქმება:

 

მონაცემის შეყვანისა და შენახვის ღილაკის სარგებლობის შემდეგ მოხდება დასაბეჭდი ფასმაჩვენებლის რაოდენობის შენახვა, ხოლო გაუქმების ღილაკის გამოყენებით მოხდება შეყვანილი მონცემების გაუქმება. 

სიის რედაქტირება გამოყენებადია, როდესაც გსურთ სხვადასხვა საქონლისთვის სხვადასხვა რაოდენობის ფასმაჩვენებლის ბეჭდვა.

• წაშლა - ბრძანების გამოყენებით შესაძლებელია სიაში არსებული საქონლის წაშლა;
• გასვლა - ბრძანების გამოყენებით მოხდება ფორმის "ფასმაჩვენებლების ბეჭდვა" დახურვა.