კომპანიები - ბრძანება უზრუნველყოფს კომპანიების პროგრამული ცნობარის შექმნას, მათთვის სხვადასხვა მახასიათებლის მინიჭებას. 

ბრძანების გამოყენებით ეკრანზე განთავსდება ფორმა "ინფორმაცია კომპანიებისა და ფილიალების შესახებ": 

 

ფორმა გაყოფილია ორ ნაწილად: მარცხენა ნაწილში წარმოდგენილია კომპანიების ჩამონათვალი, ხოლო მარჯვენა ნაწილი ასახავს კონკრეტული კომპანიის ფილიალების ჩამონათვალს იერარქიული ხის სახით. 

ფორმაში მოქმედებს შემდეგი ბრძანებები და ჩამრთველი ღილაკები:

• განახლება;
• გაშლა, შეკუმშვა;
• საკუთარი, პარტნიორი, მომწოდებელი, მყიდველი - ჩამრთველი ღილაკების გამოყენებით შესაძლებელია ფორმის მარცხენა ნაწილში სასურველი კომპანიების გაფილტვრა;
• ბეჭდვა - ბრძანების გამოყენებით ხდება კომპანიების (ცხრილის მარცხენა ნაწილის) დაბეჭდვა, ფილიალების ჩამონათვალის (ფორმის მარჯვენა ნაწილის) დაბეჭდვა კი შესაძლებელია სათაურის პანელის ღილაკზე გამომავალი კონტექსტური მენიუს ბრძანების "ბეჭდვა" გამოყენებით:

• დამატება - ბრძანება უზრუნველყოფს ახალი კომპანიის (საკუთარი, პარტნიორი, მომწოდებელი, მყიდველი) დამატებას. ბრძანების გამოყენებით ეკრანზე განთავსდება ფანჯარა "დამატება":

 

ფორმაში მოქმედებს ბრძანებები:

• შენახვა - განკუთვნილია კომპანიისა და ფილიალების შესახებ შევსებული ინფორმაციის შენახვისთვის;
• ცვლილების გაუქმება - ბრძანება უზრუნველყოფს დარედაქტირებული ჩანაწერების გაუქმებას;
• გაშლა, შეკუმშვა - გამოიყენება ფილიალების იერარქიის გაშლა/შეკუმშვისთვის;
• დამატება - ბრძანების გამოყენებით შესაძლებელია ახალი ფილიალის დამატება ფორმის მარჯვენა ნაწილში (იერარქიულ ხეში). დამატების ჩამოსაშლელი ღილაკის გამოყენებით შესაძლებელია იერარქიაში დაემატოს ქვე-ფილიალი (იხ. ქვემოთ "ინფორმაცია კომპანიის ფილიალების შესახებ);
• რედაქტირება - ბრძანება უზრუნველყოფს დამატებული ფილიალის დარედაქტირებას;
• წაშლა - ბრძანება უზრუნველყოფს დამატებული ფილიალის წაშლას;
• გასვლა - ბრძანების გამოყენებით დაიხურება კომპანიის დამატების/რედაქტირების ფანჯარა.

 

ფორმა შედგება სამი ნაწილისგან:

1. მარცხენა მხარეს მოცემულია გრაფები, სადაც ივსება დეტალური ინფორმაცია კომპანიების შესახებ;
2. მარჯვენა მხარეს ხდება კომპანიის ფილიალების დამატება იერარქიულ ხეში;
3. ქვედა მხარეს მოცემულია ფილიალის დამატებითი პარამეტრების მისათითებელი ფანჯრები. როდესაც მონიშნულია მომწოდებლის ან მყიდველის ჩამრთველი ღილაკი, დამატებითი პარამეტრების ველში გამოჩნდება ახალ ფანჯარაზე გადასასვლელი შესაბამისი ღილაკები (როგორც ქვემოთ სურათზეა მოცემული):

1. ინფორმაცია კომპანიის შესახებ

• დამატების ფანჯრის მარცხენა ნაწილში კომპანიის შესახებ ინფორმაციის შესავსებად მოცემულია შემდეგი გრაფები:
  • საიდენტიფიკაციო N - გრაფა განკუთვნილია კომპანიის საიდენტიფიკაციო ნომრის მისათითებლად. გრაფის გასწვრივ მოცემულია ძებნის ღილაკი, რომლის გამოყენებით ხდება გრაფაში შეყვანილი საიდენტიფიკაციო კოდის შესაბამისობის შემოწმება RS.GE-ს პორტალთან და კომპანიის დასახელების ავტომატური შევსება;
  • დასახელება - გრაფა განკუთვნილია კომპანიის იურიდიული დასახელების მისათითებლად. იგი ავტომატურად ივსება საიდენტიფიკაციო კოდის შეყვანის შემდეგ;
  • დასახელება En - გრაფა განკუთვნილია კომპანიის ინგლისური დასახელების მისათითებლად;
  • ქალაქი - ჩამოსაშლელი ღილაკის დახმარებით ხდება ქალაქის არჩევა, რომელიც შეესაბამება კომპანიის იურიდიული რეგისტრაციის მისამართს (ახალი ქალაქის დამატება ხდება ცნობარების მოდულიდან, ქალაქების ბრძანების გამოყენებით);
  • რაიონი - ჩამოსაშლელი ღილაკის დახმარებით ხდება რაიონის არჩევა უკვე ფორმირებული სიიდან. ახალი რაიონის დამატებისთვის განკუთვნილია გრაფის გასწვრივ არსებული "+" ღილაკი:
• 

დამატების "+" ღილაკის გამოყენებით ეკრანზე განთავსდება შემდეგი ფანჯარა: 

 

ახალი რაიონის დასამატებლად შეავსებთ რაიონის კოდის, დასახელების (სურვილის შემთხვევაში ინგლისური დასახელების (დასახელება (ENG)) გრაფებს და გამოიყენებთ ღილაკს "შენახვა". შედეგად ახალი რაიონი დაემატება რაიონების ცნობარში და ავტომატურად შეივსება რაიონის გრაფაც;

• საფოსტო ინდექსი - გრაფა განკუთვნილია კომპანიის საფოსტო ინდექსის მისათითებლად;
• მისამართი - გრაფა განკუთვნილია კომპანიის იურიდიული მისამართის მისათითებლად;
• GPS კოორდინატი - განკუთვნილია რუკაზე კომპანიის ადგილმდებარეობის მისათითებლად. ღილაკის გამოყენებით ეკრანზე განთავსდება რუკა, სადაც, კომპანიის ადგილმდებარეობის მოძებნის შემდეგ, მაუსის მარჯვენა ღილაკზე დაჭერით მოინიშნება კონკრეტული კოორდინატი: . მონიშნული კოორდინატები გამოიყენება დისტრიბუციის მოდულში მარშრუტების დაგეგმვისა და პოკეტების გამოყენებით შეკვეთების მომზადების პროცესში. როდესაც კომპანიას მონიშნული აქვს ადგილმდებარეობა რუკაზე, GPS კოორდინატის ღილაკს აქვს შემდეგი სახე:
• ტელეფონი - გრაფა განკუთვნილია კომპანიის ტელეფონის ნომრის მისათითებლად;
• ელ.ფოსტა - გრაფა განკუთვნილია კომპანიის ელქტრონული ფოსტის მისამართის მისათითებლად;
• ფაქსი - გრაფა განკუთვნილია კომპანიის ფაქსის მისათითებლად;
• ვებ-გვერდი - გრაფა განკუთვნილია კომპანიის ვებ-გვერდის მისათითებლად;
• დღგ ტიპი - ჩამოსაშლელი ღილაკის გამოყენებით შესაძლებელია კომპანიისთვის დღგ-ს გადამხდელის სტატუსის მითითება;
• კომენტარი - გრაფა განკუთვნილია კომპანიის შესახებ დამატებითი ინფორმაციის მისათითებლად.

 

• დამატების ფანჯრის მარცხენა ნაწილში მოცემულია შემდეგი ჩამრთველი ღილაკები:
  • საკუთარი - ჩამრთველი ღილაკი გამოიყენება საკუთარი კომპანიის დამატების შემთხვევაში. ღილაკის მონიშვნის შემდეგ არააქტიური ხდება სხვა ყველა ჩამრთველი ღილაკი (პარტნიორი, მომწოდებელი, მყიდველი). ჩამრთველი ღილაკი 'საკუთარი" უნდა მოინიშნოს მხოლოდ ერთი კომპანიის შემთხვევაში;
  • პარტნიორი - ჩამრთველი ღილაკი გამოიყენება პარტნიორი კომპანიის მისათითებლად;
  • მომწოდებელი - ჩამრთველი ღილაკი გამოიყენება მომწოდებელი კომპანიის მისათითებლად (დამატებით იხ. ქვემოთ მომწოდებლის პარამეტრები);
  • მყიდველი - ჩამრთველი ღილაკი გამოიყენება მყიდველი კომპანიის მისათითებლად (დამატებით იხ. ქვემოთ მყიდველის პარამეტრები);
  • შეჩერებული - ჩამრთველი ღილაკი გამოიყენება არსებული კომპანიისთვის შეჩერებულის სტატუსის მისანიჭებლად.

 

2. ინფორმაცია კომპანიის ფილიალების შესახებ

დამატების ფანჯრის მარჯვენა ნაწილში ავტომატურად ივსება სათაო ფილიალის დასახელება კომპანიის იურიდიული დასახელების შევსების პარალელურად: 

 

სათაო ფილიალის ქვე-დონეზე ხდება სხვადასხვა ფილიალების დამატება. ამისთვის სათაო ფილიალზე მაუსის მარჯვენა ღილაკის გამოყენებით კონტექსტური მენიუდან აირჩევთ ბრძანებას "დამატება ქვედა დონეზე" (ან გამოიყენებთ დამატების ბრძანების ჩამოსაშლელ ღილაკს. ზემოთ იხ. "დამატება"): 

 

შედეგად ეკრანზე განთავსდება ფილიალის დამატების ფანჯარა: 

• ფანჯარაში განთავსებულია შემდეგი გრაფები:
  • კოდი - გრაფა განკუთვნილია ფილიალის კოდის მისათითებლად. ფილიალის კოდი განთავსდება კლიენტის დასახელების გასწვრის Android-ის ოპერაციული სისტემის მქონე პოკეტებისთვის განსაზღვრულ პროგრამაში - Apex Distribution;
  • დასახელება - გრაფა განკუთვნილია ფილიალის დასახებელის მისათითებლად;
  • დასახელება En - გრაფა განკუთვნილია ფილიალის ინგლისური დასახელების მისათითებლად;
  • ქალაქი - ჩამოსაშლელი ღილაკის დახმარებით ხდება ქალაქის არჩევა, რომელიც შეესაბამება კომპანიის ფილიალის ფაქტიურ მისამართს (ახალი ქალაქის დამატება ხდება ცნობარების მოდულიდან, ქალაქების ფორმის გამოყენებით);
  • რაიონი - ჩამოსაშლელი ღილაკის დახმარებით ხდება რაიონის არჩევა უკვე ფორმირებული სიიდან. ახალი რაიონის დამატებისთვის განკუთვნილია გრაფის გასწვრივ არსებული "+" ღილაკი:

 

დამატების ღილაკის გამოყენებით ეკრანზე განთავსდება შემდეგი ფანჯარა: 

 

ახალი რაიონის დასამატებლად შეავსებთ რაიონის კოდის, დასახელების (სურვილის შემთხვევაში ინგლისური დასახელების (დასახელება (ENG)) გრაფებს და გამოიყენებთ ღილაკს "შენახვა";

• საფოსტო ინდექსი - გრაფა განკუთვნილია კომპანიის საფოსტო ინდექსის მისათითებლად;
• მისამართი - გრაფა განკუთვნილია ფილიალის ფაქტიური მისამართის მისათითებლად;
• GPS კოორდინატი - განკუთვნილია რუკაზე კომპანიის ფილიალის ადგილმდებარეობის მისათითებლად. ღილაკის გამოყენებით ეკრანზე განთავსდება რუკა, სადაც, კომპანიის ფილიალის ადგილმდებარეობის მოძებნის შემდეგ, მაუსის მარჯვენა ღილაკზე დაჭერით მოინიშნება კონკრეტული კოორდინატი: . მონიშნული კოორდინატები გამოიყენება კლიენტების ფილიალებისთვის დისტრიბუციის მოდულში მარშრუტების დაგეგმვისა და პოკეტების გამოყენებით შეკვეთების მომზადების პროცესში;
• ჯგუფი - გრაფა განკუთვნილია კომპანიის ფილიალისთვის ჯგუფის მისათითებლად. ჩამოსაშლელი ღილაკის დახმარებით ხდება ჯგუფის არჩევა უკვე ფორმირებული სიიდან. ახალი ჯგუფის დამატებისთვის განკუთვნილია გრაფის გასწვრივ არსებული "+" ღილაკი. დამატების ღილაკის გამოყენებით ეკრანზე განთავსდება შემდეგი ფანჯარა:

 

ახალი ჯგუფის დასამატებლად შეავსებთ კოდს, დასახელებას (სურვილის შემთხვევაში ინგლისურ დასახელებას (დასახელება (ENG)) და გამოიყენებთ ღილაკს "შენახვა";

• ფილიალის ნომერი - გრაფა განკუთვნილია ფილიალის ნომრის მისათითებლად. ფილიალის ნომერი განსხვავებული უნდა იყოს ყველა ფილიალისთვის;
• შეჩერებული - ჩამრთველი ღილაკი განკუთვნილია კომპანიის ფილიალისთვის შეჩერებულის სტატუსის მისანიჭებლად.

 

3. ფილიალის პარამეტრები

ფილიალის პარამეტრების ფორმა ცვლილებას განიცდის ჩამრთველი ღილაკებიდან გამომდინარე. თუ მონიშნულია მომწოდებელი და მყიდველი, ფორმაში დაემატება მომწოდებლისა და მყიდველის პარამეტრების მისათითებელი გრაფები. პარამეტრების მითითება თითოეულ ფილალზე ხდება ინდივიდუალურად. 

ფილიალის პარამეტრები შედგება შემდეგი ნაწილებისგან:

• ფილიალის ანგარიშის პარამეტრები - ფორმა განკუთვნილია კომპანიის ფილიალისა და მისი შესაბამისი ბუღალტრული ანგარიშის დასაკავშირებლად. ფილიალის შესაბამისი ანგარიშის დამატება ხდება ფორმის ქვედა მხარეს მაუსის მარჯვენა ღილაკისა და [კონტექსტური მენიუდან] დამატების ბრძანების გამოყენებით. შედეგად, ეკრანზე განთავსდება შემდეგი სახის ფანჯარა:

 

ანგარიშის ტიპი - ჩამოსაშლელი ღილაკის დახმარებით ხდება ანგარიშის ტიპის (ფულადი, საბანკო, საწყობი, მომწოდებელი, მყიდველი) არჩევა,შესაბამისად, ხდება ანგარიშების გაფილტვრაც. მაგალითად: ანგარიშის ტიპში თუ აირჩევთ "ფულადი", მაშინ ანგარიშის ჩამოსაშლელ გრაფაში ჩამონათვალში დაგხვდებათ მხოლოდ 11-ზე დაწყებული ბუღალტრული ანგარიშები; 

ანგარიში - გრაფა განკუთვნილია ფილიალებისთვის ცნობარებში დამატებული ანალიზური ანგარიშების მისაბმელად ან დაურეგისტრირებელი ანგარიშის მისათითებლად (რაც გამოიყენება იმ შემთხვევაში, როდესაც, მაგალითად, კომპანია იძენს მხოლოდ APEX ERP-ის დისტრიბუციის მოდულს, არ აქვს შევსებული ბუღალტრული ანგარიშების ცნობარი, თუმცა სურს ანალიზური ინფორმაციის მიღება რეალიზაციების შესახებ კონკრეტული ბუღალტრული ანგარიშების მიხედვით. შესაბამისად, აქვთ ბუღალტრული ანგარიშის ხელით მითითების საშუალება); "+" ღილაკით ხდება ახალი ანალიზური ანგარიშის დამატება; 

ფილიალის ანგარიშის პარამეტრებში კონტექსტური მენიუს გამოძახებისას (ანგარიშის დამატების შემდეგ) შესაძლებელია რედაქტირებისა და წაშლის ბრძანებების გამოყენება. შესაბამისად, დარედაქტირდება დამატებული ანგარიში ან მოხდება ანგარიშის მიბმის წაშლა.

• ბანკის ანგარიშები - ფორმა განკუთვნილია ფილიალის შესაბამისი საბანკო ანგარიშების დასამატებლად. კონტექსტური მენიუს გამოძახებით (მაუსზე მარჯვენა ღილაკზე დაჭერით) ეკრანზე განთავსდება შემდეგი ფანჯარა:

 

ბანკი - გრაფაში ხდება სისტემაში ბანკების ცნობარში არსებული ბანკის არჩევა, ხოლო "+" ღილაკის გამოყენებით ახალი ბანკის დამატება; 

საბანკო ანგარიშის N - გრაფა განკუთვნილია საბანკო ანგარიშის მისათითებლად; 

შენიშვნა - გრაფა განკუთვნილია დამატებითი შენიშვნის მისათითებლად; 

უპირატესი - ჩამრთველი ღილაკი განკუთვნილია კონკრეტული საბანკო ანგარიშისთვის უპირატესის სტატუსის მისანიჭებლად.

• მომწოდებლის პარამეტრები - ფორმა განკუთვნილია მომწოდებელი კომპანიისთვის პარამეტრების მისათითებლად:

 

მოწოდების ვადა - გრაფა განკუთვნილია მომწოდებლისგან საქონლის მოწოდების პერიოდის მისათითებლად; 

გენერირების ინტერვალი - გრაფა განკუთვნილია ლოგისტიკის შეკვეთების ავტომატური გენერაციის ინტერვალის მისათითებლად (დღეებში) (ანუ რა პერიოდულობით ხდება მომწოდებელზე შეკვეთის გენერაცია); 

მინიმალური შეკვეთა(თანხა) - გრაფა განკუთვნილია ავტომატური შეკვეთის გენერაციისთვის მომწოდებლისადმი შეკვეთის მინიმალური თანხის მისათითებლად; 

მინიმალური შეკვეთა(რაოდენობა) - გრაფა განკუთვნილია ავტომატური შეკვეთის გენერაციისთვის მომწოდებლისადმი შეკვეთის მინიმალური რაოდენობის მისათითებლად; 

იმპორტიორი - ჩამრთველი ღილაკი გამოიყენება იმ შემთხვევაში, თუ მომწოდებელი კომპანია წარმოადგენს იმპორტიორს (უცხოელ მომწოდებელს).

• მყიდველის პარამეტრები - ფორმა განკუთვნილია მყიდველი კომპანიისთვის პარამეტრების მისათითებლად:

 

მყიდველის ტიპი - გრაფა განკუთვნილია მყიდველის ტიპის მისათითებლად. ჩამოსაშლელი ღილაკის გამოყენებით შესაძლებელია უკვე დამატებული ტიპებიდან აირჩოით სასურველი, ხოლო "+" ღილაკის გამოყენებით დაამატოთ ახალი ტიპი. ამ შემთხვევაში ეკრანზე განთავსდება ფანჯარა: 

 

მყიდველის ახალი ტიპის დასამატებლად შეავსებთ კოდს, დასახელებას (სურვილის შემთხვევაში ინგლისურ დასახელებას (დასახელება (ENG)) და გამოიყენებთ ღილაკს "შენახვა". შედეგად მყიდველის ახალი ტიპი დაემატება; 

მყიდველის კატეგორია - გრაფა განკუთვნილია მყიდველის კატეგორიის მისათითებლად. ჩამოსაშლელი ღილაკის გამოყენებით შესაძლებელია უკვე დამატებული კატეგორიებიდან აირჩოით სასურველი, ხოლო "+" ღილაკის გამოყენებით დაამატოთ ახალი კატეგორია. ამ შემთხვევაში ეკრანზე განთავსდება ფანჯარა: 

 

მყიდველის ახალი კატეგორიის დასამატებლად შეავსებთ კოდს, დასახელებას (სურვილის შემთხვევაში ინგლისურ დასახელებას (დასახელება (ENG)) და გამოიყენებთ ღილაკს "შენახვა". შედეგად დაემატება მყიდველის ახალი კატეგორია; 

პროდუქტის ტიპი - გრაფა განკუთვნილია პროდუქტის ტიპის მისათითებლად. ჩამოსაშლელი ღილაკის გამოყენებით შესაძლებელია უკვე დამატებული ტიპებიდან აირჩოით სასურველი, ხოლო "+" ღილაკის გამოყენებით დაამატოთ ახალი ტიპი. ამ შემთხვევაში ეკრანზე განთავსდება ფანჯარა: 

 

პროდუქტის ახალი ტიპის დასამატებლად შეავსებთ კოდს, დასახელებას (სურვილის შემთხვევაში ინგლისურ დასახელებას (დასახელება (ENG)) და გამოიყენებთ ღილაკს "შენახვა". შედეგად დაემატება პროდუქტის ახალი ტიპი; 

კრედიტის დღეები - გრაფა განკუთვნილია მყიდველი კომპანიის შესაბამისი კონსიგნაციის ვადის (დღეები) მისათითებლად; 

კრედიტის ლიმიტი - გრაფა განკუთვნილია მყიდველი კომპანიის კრედიტის ლიმიტის მისათითებლად; 

გადაჭარბების ლიმიტი - გრაფა განკუთვნილია მყიდველი კომპანიის ვადაგადაცილების ლიმიტის მისათითებლად.