კომპანიის რეკვიზიტები - არის ადმინისტრირების ბრძანება, რომელიც განკუთვნილია კომპანიის რეკვიზიტების შესავსებად, რომელიც შემდგომში ავტომატურად დაიტანება მიღება-ჩაბარების აქტის საბეჭდ ფორმაზე. ფორმიდან ასევე შესაძლებელია ინტეგრაცია "Apex ERP"-სთან.
ბრძანების გამოყენების შედეგად ეკრანზე განთავსდება ფანჯარა "კომპანიის რეკვიზიტები":
ფორმაში განთავსებულია შემდეგი ბრძანებები და გრაფები:
- ბრძანებები:
- რედაქტირება - ბრძანება უზრუნველყოფს ფანჯარაში შეტანილი მონაცემების რედაქტირებას;
- შენახვა - ბრძანება აქტიურია ჩანაწერის რედაქტირების დროს და უზრუნველყოფს ფანჯარაში შეტანილი მონაცემების შენახვას;
- ცვლილების გაუქმება - ბრძანება აქტიურია ჩანაწერის რედაქტირების დროს და უზრუნველყოფს ფანჯარაში შეტანილი მონაცემების გაუქმებას;
- გასვლა - ბრძანება უზრუნველყოფს დიალოგური ფანჯრის ("კომპანიის რეკვიზიტები") დახურვას.
- გრაფები:
- კომპანიის დასახელება - გამოიყენება კომპანიის დასახელების შესაყვანად;
- კომპანიის დასახელება (En) - გამოიყენება კომპანიის ინგლისური დასახელების შესაყვანად;
- საიდენტიფიკაციო ნომერი - გამოიყენება კომპანიის საიდენტიფიკაციო ნომრის შესაყვანად;
- ხელმძღვანელის თანამდებობა - გამოიყენება კომპანიის უმაღლესი რგოლის მენეჯერის თანამდებობის (დირექტორის, გენერალური დირექტორის და სხვ.) შესაყვანად;
- ხელმძღვანელის თანამდებობა (En) - გამოიყენება კომპანიის უმაღლესი რგოლის მენეჯერის თანამდებობის (დირექტორის, გენერალური დირექტორის და სხვ.) ინგლისური დასახელების შესაყვანად;
- ხელმძღვანელი - გამოიყენება კომპანიის ხელმძღვანელის სახელისა და გვარის შესაყვანად;
- ხელმძღვანელი (En) - გამოიყენება კომპანიის ხელმძღვანელის სახელისა და გვარის შესაყვანად ინგლისურ ენაზე;
- ხელმძღვანელი ნათესაობით ბრუნვაში - გამოიყენება კომპანიის ხელმძღვანელის სახელისა და გვარის შესაყვანად ნათესაობით ბრუნვაში, რაც შემდგომში ავტომატურად დაიტანება მიღება-ჩაბარების აქტზე [მისი დაბეჭდვის დროს];
- კომპანიის მისამართი - გამოიყენება კომპანიის იურიდიული მისამართის შესაყვანად;
- კომპანიის მისამართი (En) - გამოიყენება კომპანიის იურიდიული მისამართის შესაყვანად ინგლისურ ენაზე;
- ფასის სიზუსტე (მეათედები) - გრაფაში ვუთითებთ საწვავის სარეალიზაციო ფასის დამრგვალება მოხდეს მეათედამდე (1), მეასედამდე (2), მეათასედამდე (3), თუ ა.შ. მაგალითად, თუ დადგენილი გვაქვს 1 ერთეული საწვავის საცალო ფასი 1,7456 ლარი, ხოლო ხელშეკრულებით კონკრეტულ კლიენტზე გათვალისწინებულია 5%-იანი ფასდაკლება, პროგრამა საცალო ფასიდან გამოყოფს ფასდაკლებულ ფასს და მას დაამრგვალებს მითითებულ ნიშნულამდე;
- კომპანიის ლოგო - სურათის ასატვირთ გრაფაში მაუსის მარჯვენა ღილაკის გამოყენებით ეკრანზე გამოვა კონტექსტური მენიუ (დააჭირეთ ბრძანება Load-ს), საიდანაც შეძლებთ წინასწარ შენახული სურათის თქვენს კომპიუტერში მოძიებას და ატვირთვას;
- "Apex ERP"-სთან ინტეგრაცია - ჩამრთველი ღილაკის გამოყენებით ავტომატურად ხდება დაკავშირება "Apex ERP"-სთან. მისი გამოყენების შედეგად ცნობარების მოდულში არააქტიური ხდება საწვავის, კომპანიების და ფილიალების დამატება, რედაქტირება და წაშლა.