ფასების დაგეგმვა არის მოდულის საქონლის ბრძანება (საქონელი => ფასების დაგეგმვა), რომლის დანიშნულებაა მომხმარებელს ერთ ფორმაში აჩვენოს დაგეგმილი ფასები თარიღების მიხედვით და მისცეს საშუალება მოხერხებულად მოახდინოს უკვე დაგეგმილი ფასების ცვლილება სხვა ფორმებში (ფასების დადგენა, ფასების დადგენა (ფილიალი)) შესვლის გარეშე. ბრძანების ღილაკზე დაჭერის შემდეგ ეკრანზე გამოდის ფორმა "ფასების დაგეგმვა": 

ფორმაში გამოდის ჩანართი "გეგმები". ჩანართი წარმოადგენს ცხრილს, ცხრილის ფილტრისათვის გამოიყენეთ თარიღის შუალედის ასარჩევი ელემენტი. ფორმის მარცხენა ნაწილში ინფორმაცია მოგვეწოდება გეგმის სტატუსის, ნომრის, მომხმარებლის, გეგმის შესრულების და გეგმის შექმნის დროის მიხედვით. ხოლო მარჯვენა ნაწილი განკუთვნილია თითოეული გეგმით განსაზღვრული საქონლის ჩამონათვალისა და დაგეგმილი ფასებისათვის. 

ცხრილში თავიდან ყველა დაგეგმილ ფასს აქვს სტატუსი "პროექტი", მისი შეცვლა შეიძლება კონტექსტური მენიუდან: 

 

სტატუსის შესაცვლელად ვიყენებთ კონტექსტური მენიუს ბრძანებას "სტატუსის შეცვლა" და ვუთითებთ ბრძანებას "დადასტურებული", ამის შედეგად მენიუში გააქტიურდება ბრძანება "შესრულება", მისი გამოყენების შემდეგ ცხრილში სტატუსის სვეტში "პროექტი" შეიცვლება და გახდება "შესრულებული" (წინ გაჩნდება ცისფერი ბურთულა). აღნიშნული ოპერაციის შესრულების შემდეგ, მომხმარებელს უკვე შეეძლება დაგეგმილი ფასით მოახდინოს იმ საქონლის საცალო რეალიზაცია, რომელიც ჩანს ფორმაში "ფასების დაგეგმვა" (როცა ჩანართში "გეგმები" დავდგებით "შესრულებული" სტატუსის მქონე ჩანაწერზე). თუ დაგეგმილ თარიღამდე გვსურს ოპერაციის შესრულება, ჯერ ვირჩევთ მენიუდან სტატუსს ,,დადასტურებული“, ხოლო შემდეგ სტატუსს "შესრულება", შედეგად შეიცვლება ფასები გეგმის მიხედვით შესრულების მომენტიდან. ოპერაციის შესაჩერებლად, მარცხენა მხარეს, კონკრეტულ გეგმაზე გამოიძახეთ კონტექსტური მენიუ და მიუთითეთ სტატუსი ,,შეჩერებული“. 

 

ფორმას "ფასების დაგეგმვა" აქვს მენიუს ზოლი შემდეგი ბრძანებებით: 

ფორმაში მოქმედებების შესრულება შესაძლებელია მენიუს ბრძანებების გამოყენებით:

• განახლება;
• გასვლა;
• მონიშვნა, ინვერსია, მოხსნა;
• ბეჭდვა (კომბინირებული ღილაკი):
  • კატეგორიის მიხედვით-ფასების დადგენის დაბეჭდილ ფორმაში საქონელი დაჯგუფებული იქნება კატეგორიებად;
• ავტომატური;
• დიზაინერი;
• ექსპორტი ბეჭდვაზე-ბრძანების გამოყენებით ეკრანზე გამოდის ფორმა "შტრიხკოდი", სადაც გადატანილი იქნება ცხრილში "ფასის დადგენა" მონიშნული შტრიხკოდები;
• სიაში დამატება-ბრძანება აქტიურია ჩანართში "გეგმა", მხოლოდ პროექტის სტატუსის ფორმით არსებული დაგეგმილი ფასებისათვის. მისი გამოყენებით კი ეკრანზე გამოდის ფორმა "საქონლის დამატება გეგმაში":

 

ფორმას აქვს ორი სვეტი: 

კატეგორია (Combo box)-ირჩევენ კატეგორიას, რომლის მიხედვითაც შემდეგ გაიფილტრება ცხრილი; 

მწარმოებელი (Combo box)- მწარმოებლის არჩევით ცხრილში დარჩება, მხოლოდ ამ მწარმოებლის მიერ გამოშვებული საქონელი; 

მონიშნეთ ცხრილში საქონელი (Space კლავიშის საშუალებით ან მენიუს ბრძანებაზე "მონიშვნა" დაჭერით) შემდეგ გამოიყენეთ ბრძანება "დამატება", ყველა მონიშნული საქონელი დაემატება "ფასების დაგეგმვის" ფორმაში კონკრეტული გეგმის პროექტს;

• სიიდან ამოღება-მისი დანიშნულებაა ფასების კონკრეტული გეგმის პროექტიდან საქონლის ამოღება. ბრძანება აქტიურია ჩანართში "გეგმა" მხოლოდ პროექტის სტატუსის ფორმით არსებული დაგეგმილი ფასებისათვის. მონიშნეთ ცხრილში საქონელი (Space-კლავიშის საშუალებით ან მენუს ბრძანებაზე "მონიშვნა" დაჭერით) შემდეგ გამოიყენეთ ბრძანება "სიიდან ამოღება", ეკრანზე გამოვა შეტყობინება :

 

დადასტურების შემთხვევაში (Yes) საქონელი ამოიშლება სიიდან;

• რედაქტირების რეჟიმი-ბრძანების დახმარებით შესაძლებელია დაგეგმილი ფასის (რომელიც ჯერ კიდევ პროექტის სახითაა) შეცვლა. ბრძანება აქტიურია ჩანართში "გეგმა" მხოლოდ პროექტის სტატუსის ფორმით არსებული დაგეგმილი ფასებისათვის. ბრძანების გამოყენების შემდეგ ეკრანზე გამოდის ფორმა "ფასების დაგეგმვა":

• იმპორტი-ბრძანება უზრუნველყოფს ფასების ცვლილებას წინასწარ შექმნილი Microsoft Excel-ის ფაილის დახმარებით, მისი გამოყენების შედეგად ეკრანზე გამოვა შემდეგი სახის ფორმა:

 

ფორმაში განლაგებულია ბრძანებები:

• ფაილის არჩევა-ბრძანებით ხდება Microsoft Excel-ის ფაილის მოძიება კომპიუტერში, არჩევის შედეგად ფაილში მითითებული საქონელი დაიმპორტდება ფანჯრის ზედა ნაწილში;
• შემოწმება-ბრძანება აქტიურდება მას შემდეგ, რაც Microsoft Excel-ის ფაილის არჩევა განხორციელდება, იგი უზრუნველყოფს შაბლონში მითითებული შტრიხკოდების შემოწმებას. ბრძანების გამოყენების შედეგად შტრიხკოდი, რომელიც არის რეგისტრირებული სისტემაში დარჩება ფანჯრის ზედა ნაწილში, არასწორად შევსებული შტრიხკოდები განთავსდება ჩანართში "დაწუნებული შტრიხკოდები";
• შაბლონი-ბრძანება უზრუნველყოფს Microsoft Excel-ის ფაილის გადმოწერას თქვენს კომპიუტერში, შაბლონში პირველ ხაზზე მოცემულია შესავსები სვეტის დასახელებები. ფაილის სისტემაში ჩასატვირთად შაბლონში აუცილებლად შევსებული უნდა იყოს საქონლის შტრიხკოდი და ფასი;
• შენახვა-ბრძანება აქტიურდება მას შემდეგ, რაც მოხდება იმპორტირებული ფაილის შემოწმება და ფორმის მარჯვენა ჩანართში ფილიალის არჩევა;
• გასვლა.

ფორმა წარმოადგენს ცხრილს სადაც ხელით შესაძლებელია დაგეგმილი ფასების შეცვლა. ფორმას აქვს მენიუს ზოლი სადაც აქტიურია შემდეგი ბრძანებები:

• განახლება;
• მონიშვნა, ინვერსია, მოხსნა;
• ბეჭდვა (კომბინირებული ღილაკი):
  • კატეგორიის მიხედვით-ფასების დადგენის დაბეჭდილ ფორმაში საქონელი დაჯგუფებული იქნება კატეგორიებად;
• შენახვა;
• გაუქმება.

ფორმაში "ფასების დაგეგმვა" მოქმედებები სრულდება კონტექსტური მენიუს დახმარებითაც, რომელსაც დამატებით აქვს ბრძანება "ანალიზი". 

 

იხილეთ აგრეთვე: 

 

ცხრილი (Grid), ფასების დაგენა, ფასების დადგენა (ფილიალი).