Grid ფორმის ცხრილებში კონტექსტური მენიუს გამოტანა ხდება: 

1. სათაურის პანელის ღილაკზე დაჭერით; 

2. ნებისმიერი სვეტის დასახელებაზე მაუსის მარჯვენა ღილაკზე დაჭერის შემდეგ. 

1. სათაურის პანელის ღილაკის გამოყენებით გამოსული კონტექსტური მენიუ 

სათაურის პანელის ღილაკზე დაჭერის შემდეგ გამოდის ქვემოთ მოცემული კონტექსტური მენიუ: 

კონტექსტურ მენიუში მოცემულია ბრძანებები:

• ძებნა - ბრძანების გამოყენებით ცხრილში გამოჩნება ფანჯარა ფილტრაცია და ძებნა;
• ექსპორტი;
• ბეჭდვა - ბრძანების გამოყენებით დაიბეჭდება ცხრილი იმ სახით, რა სახითაც გაქვთ გამოტანილი ეკრანზე;
• სვეტები და კონდიციები;
• სტრიქონების გადანომვრა - ბრძანების გამოყენების შედეგად ცხრილის სტრიქონებს მიენიჭება ნომრები;
• ფოკუსირებული უჯრის შემოხაზვა;
• ჰორიზონტალური სქროლი - ბრძანება სტანდარტულ ცხრილებში მუდმივად ჩართულია და გულისხმობს ცხრილის ქვედა მხარეს scroll-ის გამოჩენას, როცა სვეტების რაოდენობა დიდია და არ ეტევა ერთ ფანჯარაში;
• მოსანიშნი ფილტრი;
• ჯგუფის დაჯამების ხაზი - გამოიყენება მაშინ, როდესაც დავაჯგუფებთ სტრიქონებს. ამ ბრძანების გამოყენებით თითოეული დაჯგუფებული სტრიქონის ქვემოთ გაჩნდება დაჯამების ზოლი;
• გაყოფა (Split) - გამოიყენება, როცა გვსურს ცხრილის გაყოფა ვერტიკაურად ან ჰორიზონტალურად:

ცხრილის ვერტიკალურად გაყოფის შემთხვევაში ეკრანზე გამოჩნდება ორი იდენტური ვერტიკალური ფორმის ცხრილი, ხოლო ჰორიზონტალური გაყოფის შემთხვევაში - პირიქით. თუ ცხრილის გაყოფის მოხსნა გვინდა, კონტექსტური მენიუდან გამოვიყენებთ ბრძანებას "მოხსნა";

• ცხრილის თვისებები;
• განლაგება.

2. ნებისმიერი სვეტის დასახელებაზე მაუსის მარჯვენა ღილაკზე დაჭერის შემდეგ გამოდის შემდეგი სახის კონტექსტური მენიუ: 

იგი მოიცავს შემდეგ ბრძანებებს:

• სორტირება აღმავლობით - ბრძანების გამოყენება უზრუნველყოფს ცხრილში კონკრეტული სვეტის ჩანაწერების აღმავლობით დალაგებას. თუ ბრძანებას გამოიყენებთ ისეთი სვეტისთვის, სადაც ჩანაწერები მოცემულია ასოებით, მაშინ დალაგება მოხდება ანბანის ასოების თანმიმდევრობით (A-Z), ხოლო თუ სვეტში მოცემულია ციფრები (რიცხვითი მნიშვნელობები), დალაგება მოხდება ციფრების ზრდადობის მიხედვით (0...n);
• სორტირება დაღმავლობით - ბრძანების გამოყენება უზრუნველყოფს ცხრილში კონკრეტული სვეტის ჩანაწერების დაღმავლობით დალაგებას. თუ ბრძანებას გამოიყენებთ ისეთი სვეტისთვის, სადაც ჩანაწერები მოცემულია ასოებით, მაშინ დალაგება მოხდება ანბანის ასოების თანმიმდევრობით (Z-A), ხოლო თუ სვეტში მოცემულია ციფრები (რიცხვითი მნიშვნელობები), დალაგება მოხდება ციფრების კლებადობის მიხედვით (n...0);
• დაჯგუფება - ბრძანების გამოყენება უზრუნველყოფს ცხრილის ხაზების დაჯგუფებას იმის მიხედვით, თუ რომელ სვეტზე გამოიყენებთ ბრძანებას;
• დაჯგუფების პანელის გაჩენა - ბრძანების გამოყენება უზრუნველყოფს ცხრილის ზედა ნაწილში დამატებითი ველის გაჩენას, სადაც გამოჩნდება დამაჯგუფებელი სვეტის დასახელება;
• სვეტის დამალვა - ბრძანების გამოყენება უზრუნველყოფს ცხრილში სვეტის დამალვას იმის მიხედვით, თუ რომელ სვეტზე გამოიყენებთ ბრძანებას. დამალული სვეტის ჩავარდნა ყოველთვის ხდება დამალულ სვეტებში;
• დამალული სვეტები - ბრძანების გამოყენება უზრუნველყოფს ცხრილში დამალული სვეტის გამოტანას. მისი გამოყენებით ეკრანზე განთავსდება დამატებითი ფანჯარა, სადაც მოცემული იქნება გამოსატანი სვეტების დასახელებები. რომელიმე დამალული სვეტის ცხრილში გამოსატანად სასურველი სვეტის დასახელებაზე დააჭირეთ მაუსის მარცხენა ღილაკს ორჯერ ან მაუსის მარცხენა ღილაკით მოკიდეთ ხელი სასურველ სვეტს და გადაათრიეთ ცხრილში არსებული სასურველისვეტის გვერდით;
• სვეტის ოპტიმალური განლაგება - ბრძანების გამოყენება უზრუნველყოფს ერთი კონკრეტული (რომელზეც ვდგავართ მაუსით) სვეტის სიგანის ფორმირებას მისი დასახელების სიგრძის შესაბამისად;
• სვეტების ოპტიმალური განლაგება - ბრძანების გამოყენება უზრუნველყოფს ცხრილის განლაგებას იმგვარად, რომ ჩანდეს ყველა სვეტის სრული დასახელება;
• ფილტრის რედაქტორი;
• ძებნის პანელის გამოჩენა - ბრძანების გამოყენება უზრუნველყოფს ძებნის პანელი გაჩენას, ძებნის პანელი შედგება საძებნი სიტყვის შესაყვანი გრაფისგან და ორი ღილაკისგან: ძებნა და გაუქმება. ძებნის ველში ტექსტის ჩაწერის დროს ავტომატურად ხდება ძებნა მთელ ცხრილში (ყველა სვეტში), ცხრილის მონაცემები იფილტრება, ხოლო მოძებნილი დამთხვევები ყვითლად მოინიშნება ცხრილში;
• ფილტრის ხაზის დამალვა - ბრძანების გამოყენება უზრუნველყოფს ცხრილში ფილტრის ხაზის დამალვას;
• სვეტის ფილტრის ტიპი - ბრძანების გამოყენების შემდეგ ფილტრი შეგვიძლია გადავრთოთ მოსანიშ ფილტრზე. პროგრამაში ფორმების უმეტესობაში ფილტრი ავტომატურად დგას Cheked List სტრიქონზე;
• სვეტის დაფიქსირება - იხილეთ მოქმედებები სვეტებზე;
• სვეტის დუბლირება.