პროგრამაში შესასვლელად ”Desktop”-ზე აირჩიეთ პიქტოგრამა და დააჭირეთ ”Enter”-ს ან მაუსის მარცხენა ღილაკს დააჭირეთ ორჯერ. შედეგად ეკრანზე გამოვა ფანჯარა: 

 

ფანჯარას აქვს ორი გრაფა:

• User Name - გრაფა განკუთვნილია პროგრამაში მომხმარებლის სახელის შესაყვანად;
• Password - გრაფა განკუთვნილია სისტემაში მომხმარებლის პაროლის შესაყვანად.

პროგრამაში შესასვლელად გამოიყენეთ ”Enter” ღიალკი ან მაუსის მარცხენა ღილაკით დააჭირეთ Ok-ს. 

ფანჯარაში ქვედა მარცხენა კუთხეში მოცემულია ღილაკი More details. მისი გამოყენებით დამატებით გამოჩნდება სერვისის მისამართის - Service Address - ასარჩევი ველი: 

 

Service Address-ის არჩევა ხდება ჩამოსაშლელი ღილაკის დახმარებით, ხოლო თუ საჭიროა მისი რედაქტირება, დამატება ან წაშლა, მაშინ გამოიყენეთ ჩამოსაშლელი ისრის გვერდით განთავსებული რედაქტირების ღილაკი . ეკრანზე განთავსდება ფანჯარა "სერვისის მისამართები": 

 

ფანჯარაში მოცემულია ბრძანებები:

• არჩევა - ბრძანების გამოყენებით შესაძლებელია სერვისის სასურველი მისამართის არჩევა, თუ სერვისების მისამართების ჩამონათვალში უკვე დამატებულია რამდენიმე მისამართი (ღილაკი აქტიურია, თუ უკვე დამატებული გაქვთ ერთი მისამართი მაინც. სხვა შემთხვევაში მხოლოდ დამატების ბრძანებაა აქტიური);
• დამატება - ბრძანება გამოიყენება ახალი პარამეტრების დასამატებლად:

 

ფანჯარაში მოცემული გრაფები განკუთვნილია ორგანიზაციის დასახელებისა და სერვისის (იმ სერვერის მისამართს, სადაც განთავსებულია პროგრამის სერვისი) მისამართის შესავსებად.

• რედაქტირება - ბრძანება გამოიყენება დამატებული ჩანაწერის რედაქტირებისთვის (მაგ: თუ შეიცვალა სერვერის მისამართი, პროგრამაში შესვლამდე შესაძლებელია მისი შეცვლა);
• წაშლა - ბრძანება გამოიყენება დამატებული ჩანაწერის წასაშლელად;
• გასვლა - ბრძანებით ხდება დიალოგური ფანჯრის დახურვა.