ბორტის გადაადგილების ზედნადები-არის მოდულის "დისტრიბუცია" მენიუს ბრძანება, მისი დანიშნულებაა საწყობში საქონლის დატვირთვა-ჩამოტვირთვის დროს სასაქონლო ზედნადების ატვირთვა შემოსავლების სამსახურის ვებ-გვერდზე (აღნიშნულ შემთხვევაში საწყობად აღიქმება მაგ: ყავის ჩამოსასხმელი აპარატები, წყლის აპარატები და ა.შ.). 

"ბორტის გადაადგილების ზედნადები" ბრძანების გამოყენებით, ეკრანზე გამოვა ფორმა „ბორტების ზედნადები": 

ფორმაში გამოჩნდება ყველა ის საწყობი, რომელიც პრესელერზე არის მიბმული და რომელსაც ჩართული აქვს ღილაკი "ბორტი" დისტრიბუციის ფორმაში "პრესელერის საწყობები" (დისტრიბუცია => პრესელერები => ცნობარები => საწყობები). ფორმაში რუხი ფერით მოცემულია ის საწყობი, რომელშიც საქონლის ნაშთი არ არის და შესაბამისად ღილაკები: გააქტიურება, ზედნადების ნახვა, საბუთის ნახვა აქტიური არ არის. 

ფორმას აქვს მენიუს ზოლი ბრძანებებით:

• განახლება;
• დამატება-ბრძანებით შესაძლებელია საწყობში საქონლის ატვირთვა (ან ჩამოტვირთვა). ეკრანზე გამოვა ფორმა "ბორტსაწყობი":

ფორმაში ვირჩევთ ბორტის საწყობს (დაცლა/დატვირთვის საწყობი (Combo Box)), საიდანაც უნდა მოხდეს საწყობში საქონლის ატვირთვა. თარიღი, დაცლისა და დატვირთვის ოპერაციები არჩეულია ავტომატურად. საწყობის არჩევის შემდეგ ფორმაში გამოჩნდება არსებული საქონლის ნაშთები. სვეტში "დატვირთვის შემდეგ" ხელით შესაძლებელია საწყობში ჩასატვირთი საქონლის რაოდენობის ჩაწერა. თუ საწყობში არის წინა პერიოდის ნაშთი (სვეტში "დატვირთვამდე") და იგივე ნაშთი უნდა აიტვირთოს საწყობში მაშინ "ნაშთის გადატანა" ბრძანების გამოყენების შემდეგ ნაშთები სვეტიდიდან "დატვირთვმდე" ავტომატურად გადავა სვეტში "დატვირთვის შემდეგ". ამის შემდეგ დააჭირეთ ბრძანებაზე "შენახვა", ეკრანზე გამოვა შეტყობინება, რომელიც გვაცნობებს, რომ საბუთი გატარდა და აიტვირთა (ან არ აიტვირთა). დადასტურების შემდეგ (OK) ეკრანზე გამოვა ფანჯარა "ზედნადების პარამეტრები". ფორმიდან ოპერაციების შესრულების გარეშე გასვლისათვის ვიყენებთ ბრძანებას "გასვლა".

• წინასწარი შეკვეთიდან-წინასწარი შეკვეთიდან ხდება "პოკეტებით" განხორციელებული შეკვეთების ატვირთვა საწყობში და შესაბამისი ზედნადების ატვირთვა rs.ge სერვერზე:

ფორმაში ჩანს პოკეტით მიღებული შეკვეთა (წითლად) და საწყობში არსებული ნაშთები. შეკვეთა და ნაშთი "დატვირთვამდე" ავტომატურად გადატანილია ნაშთებში "დატვირთვის შემდეგ". ზედნადების ასატვირთად საკმარისია "შენახვის" ღილაკზე დაჭერა. თუ დააჭერთ ბრძანებაზე "ნაშთის გადატანა", მაშინ ავტომატურად განხორციელდება საწყობის დაცლა და დატვირთვა, მაგრამ შეკვეთით გათვალისწინებული საქონელი არ აიტვირთება საწყობში. 

ფორმაში ვირჩევთ დაცლა-დატვირთვის საწყობს, რომელი საწყობიდან უნდა მოხდეს "პოკეტით" შეკვეთილი საქონლის ატვირთვა. თუ არჩეულ საწყობში არ არის "პოკეტიდან" შეკვეთილი საქონლის საკმარისი ნაშთი, მაშინ ეკრანზე გამოვა შემდეგი გაფრთხილება: 

თუ შევცვლით დაცლა-დატვირთვის საწყობს, მაშინ ეკრანზე გამოვა გაფრთხილება: 

დადასტურების (Yes) შემდეგ თუ არჩეულ საწყობში საკმარისი რაოდენობით იქნება შეკვეთაში გათვალისწინებული საქონლის ნაშთი, მაშინ ჩვეულებრივ დასრულდება პროცესი. თუ შეკვეთაში გათვალისწინებული საქონლის ნაშთი არასაკმარისია, მაშინ სისტემა გამოიტანს შესაბამის გაფრთხილებას: 

• გააქტიურება-ბრძანების გამოყენების შემდეგ ხდება სასაქონლო ზედნადების აქტივაცია, მხოლოდ ამის შემდეგაა კანონმდებლობით ნებადართული საქონლის ტრანსპორტირება. გააქტიურება შეიძლება ასევე rs.ge სერვისებიდან და შემოსავლების სამსახურის საიტიდანაც.

• არსებულის მიბმა-ბრძანება უზრუნველყოფს გააქტიურებულ სასაქონლო ზედნადებზე საბუთის მიბმას, მაშინ როდესაც ზედნადები გააქტიურებულია სხვა ფორმიდან (სხვა ხერხით-შემოსავლების სამსახურის საიტიდან) და ავტომატურად ვერ მოხერხდა საბუთზე ზედნადების მიბმა. ბრძანების გამოყენების შედეგად კი ეკრანზე გამოდის ფორმა "აირჩიეთ ზედნადები":

შენახვის ბრძანებით მონიშნული საბუთი მიებმება შემოსავლების სამსახურის საიტზე ატვირთულ სასაქონლო ზედნადებს და ფორმა დაიხურება. ამის შემდეგ გამოუჩნდება საქონელი საწყობში. 

ფორმაში განმეორებით შესვლისას იგი იქნება ცარიელი. საბუთის მიბმის გარეშე ფორმიდან გასასვლელად დააჭირეთ "გაუქმებას" (გასვლა);

• ზედნადების ნახვა-ბრძანების გამოყენების შემდეგ შეგვიძლია ვნახოთ სასაქონლო ზედნადების პარამეტრები და დავბეჭდოთ ზედნადები (ეკრანზე გამოდის ფანჯარა "ზედნადების პარამეტრები");
• საბუთის ნახვა-ბრძანების გამოყენების შემდეგ ჩვენ შეგვიძლია ვნახოთ ბორტიდან საქონლის საწყობში ატვირთვის (ან ბორტიდან საწყობში ჩამოტვირთვის) საბუთი, რომელიც წარმოადგენს საქონლის შიდა გადაადგილების ფორმას;
• პროექტის მოხსნა-ბრძანების გამოყენებით, საწყობის ყველა ზედნადებს, რომელიც მონიშნული გვაქვს პროექტის ნიშანი მოეხსნება;
• გასვლა.