ბორტების ზედნადები არის მოდულის "დისტრიბუცია" მენიუს ბრძანება, მისი დანიშნულებაა ბორტზე საქონლის დატვირთვა-ჩამოტვირთვის დროს სასაქონლო ზედნადების ატვირთვა შემოსავლების სამსახურის ვებ-გვერდზე. 

„ბორტების ზედნადები" ბრძანების გამოყენებით, ეკრანზე გამოვა ფორმა „ბორტების ზედნადები": 

ფორმაში გამოჩნდება ყველა იმ პრესელერის საწყობი, რომელსაც ჩართული აქვს ღილაკი "ბორტი" დისტრიბუციის ფორმაში "პრესელერის საწყობები" (დისტრიბუცია => პრესელერები => ცნობარები => საწყობები). ფორმაში რუხი ფერით მოცემულია იმ პრესელერის საწყობი, რომელსაც საქონლის ნაშთი არ გააჩნია და შესაბამისად ღილაკები: გააქტიურება, ზედნადების ნახვა, საბუთის ნახვა აქტიური არ არის. 

ფორმას აქვს მენიუს ზოლი ბრძანებებით:

• განახლება;
• დამატება-ბრძანებით შესაძლებელია ბორტზე საქონლის ატვირთვა (ან ჩამოტვირთვა). ეკრანზე გამოვა ფორმა "ბორტსაწყობი":

ფორმაში ვირჩევთ საწყობს (დაცლა/დატვირთვის საწყობი (Combo Box)), საიდანაც უნდა მოხდეს ბორტზე საქონლის ატვირთვა (ან სადაც უნდა მოხდეს ბორტიდან ჩამოტვირთვა). თარიღი, დაცლისა და დატვირთვის ოპერაციები არჩეულია ავტომატურად. საწყობის არჩევის შემდეგ ფორმაში გამოჩნდება საწყობში არსებული საქონლის ნაშთები. სვეტში "დატვირთვის შემდეგ" ხელით შესაძლებელია ბორტზე დასატვირთი საქონლის რაოდენობის ჩაწერა. თუ ბორტზე არის წინა დღის ნაშთი (სვეტში "დატვირთვამდე") და იგივე ნაშთი უნდა აიტვირთოს ბორტზე მაშინ "ნაშთის გადატანა" ბრძანების გამოყენების შემდეგ ნაშთები სვეტიდიდან "დატვირთვმდე" ავტომატურად გადავა სვეტში "დატვირთვის შემდეგ". ამის შემდეგ დააჭირეთ ბრძანებაზე "შენახვა", ეკრანზე გამოვა შეტყობინება, რომელიც გვაცნობებს, რომ საბუთი გატარდა და აიტვირთა (ან არ აიტვირთა). დადასტურების შემდეგ (OK) ეკრანზე გამოვა ფანჯარა "ზედნადების პარამეტრები". ფორმიდან ოპერაციების შესრულების გარეშე გასვლისათვის ვიყენებთ ბრძანებას "გასვლა".

• წინასწარი შეკვეთიდან-წინასწარი შეკვეთიდან ხდება "პოკეტებით" განხორციელებული შეკვეთების ატვირთვა ბორტზე და შესაბამისი ზედნადების ატვირთვა rs.ge სერვერზე:

ფორმაში ჩანს პოკეტით მიღებული შეკვეთა (წითლად) და ბორტზე არსებული ნაშთები. შეკვეთა და ბორტის ნაშთი "დატვირთვამდე" ავტომატურად გადატანილია ბორტის ნაშთებში "დატვირთვის შემდეგ". ზედნადების ასატვირთად საკმარისია "შენახვის" ღილაკზე დაჭერა. თუ დააჭერთ ბრძანებაზე "ნაშთის გადატანა", მაშინ ავტომატურად განხორციელდება ბორტის დაცლა და დატვირთვა, მაგრამ შეკვეთით გათვალისწინებული საქონელი არ აიტვირთება ბორტზე. 

ფორმაში ვირჩევთ დაცლა-დატვირთვის საწყობს, რომელი საწყობიდან უნდა მოხდეს "პოკეტიდან" შეკვეთილი საქონლის ატვირთვა. თუ არჩეულ საწყობში არ არის "პოკეტიდან" შეკვეთილი საქონლის საკმარისი ნაშთი, მაშინ ეკრანზე გამოვა შემდეგი გაფრთხილება: 

თუ შევცვლით დაცლა-დატვირთვის საწყობს, მაშინ ეკრანზე გამოვა გაფრთხილება: 

დადასტურების (Yes) შემდეგ თუ არჩეულ საწყობში საკმარისი რაოდენობით იქნება შეკვეთაში გათვალისწინებული საქონლის ნაშთი, მაშინ ჩვეულებრივ დასრულდება პროცესი. თუ შეკვეთაში გათვალისწინებული საქონლის ნაშთი არასაკმარისია, მაშინ სისტემა გამოიტანს შესაბამის გაფრთხილებას: 

• გააქტიურება-ბრძანების გამოყენების შემდეგ ხდება სასაქონლო ზედნადების აქტივაცია, მხოლოდ ამის შემდეგაა კანონმდებლობით ნებადართული საქონლის ტრანსპორტირება. გააქტიურება შეიძლება ასევე rs.ge სერვისებიდან და შემოსავლების სამსახურის საიტიდანაც.

• არსებულის მიბმა-ბრძანება უზრუნველყოფს გააქტიურებულ სასაქონლო ზედნადებზე საბუთის (საქონლის დაცლა და ბორტზე ატვირთვა) მიბმას, მაშინ როდესაც ზედნადები გააქტიურებულია სხვა ფორმიდან (სხვა ხერხით-შემოსავლების სამსახურის საიტიდან) და ავტომატურად ვერ მოხერხდა საბუთზე ზედნადების მიბმა. ბრძანების გამოყენების შედეგად კი ეკრანზე გამოდის ფორმა "აირჩიეთ ზედნადები":

შენახვის ბრძანებით მონიშნული საბუთი მიებმება შემოსავლების სამსახურის საიტზე ატვირთულ სასაქონლო ზედნადებს და ფორმა დაიხურება. ამის შემდეგ გამოუჩნდება საქონელი დისტრიბუტორს ბორტზე და შეეძლება მისი რეალიზაცია შესაბამისი ქვე-ზედნადებების ატვირთვის საფუძველზე. 

ფორმაში განმეორებით შესვლისას იგი იქნება ცარიელი. საბუთის მიბმის გარეშე ფორმიდან გასასვლელად დააჭირეთ "გაუქმებას" (გასვლა);

• ზედნადების ნახვა-ბრძანების გამოყენების შემდეგ შეგვიძლია ვნახოთ სასაქონლო ზედნადების პარამეტრები და დავბეჭდოთ ზედნადები (ეკრანზე გამოდის ფანჯარა "ზედნადების პარამეტრები");
• საბუთის ნახვა-ბრძანების გამოყენების შემდეგ ჩვენ შეგვიძლია ვნახოთ ძირითადი საწყობიდან საქონლის ბორტზე ატვირთვის (ან ბორტიდან საწყობში ჩამოტვირთვის) საბუთი, რომელიც წარმოადგენს საქონლის შიდა გადაადგილების ფორმას;
• პროექტის მოხსნა-ბრძანების გამოყენებით, ბორტის ყველა ზედნადებს, რომელიც მონიშნული გვაქვს პროექტის ნიშანი მოეხსნება;
• გასვლა.

იხილეთ აგრეთვე: 

ცხრილი (Grid), rs.ge სერვისები.