ბრძანებები

სათაური	აღწერა
განახლება	განახლება არის სისტემისათვის დამახასიათებელი სტანდარტული ბრძანება, რომელიც გვხვდება თითოეული მოდულის მენიუს ზოლში. მისი გამოყენებით ხდება იმ ფორმის განახლება, რომელშიც იმყოფება მომხმარებელი. განახლების ბრძანების შესასრულებლად სისტემაში ძირითადად გვხდება მარტივი ღილაკი, თუმცა არის გამონაკლისებიც, როცა განახლების ბრძანების შესასრულებლად გამოიყენება კომბინირებული ღილაკი. განახლების შესრულება შესაძლებელია აგრეთვე კლავიშთა კომბინაციით: "Ctrl+R".
მონიშვნა, ინვერსია, მოხსნა	მონიშვნა არის სისტემისათვის დამახასიათებელი სტანდარტული ბრძანება, რომელიც გვხვდება თითოეული მოდულის მენიუს ზოლში. ბრძანების გამოყენებით ხდება იმ ფორმის მონაცემების სრულად მონიშვნა (მონიშნულ სტრიქონებს ფერი ეცვლება), რომელშიც იმყოფება მომხმარებელი. ჩანაწერთა მონიშვნა აჩქარებს მოქმედებების შესრულებას, კერძოდ, "გატარებულ საბუთებში" შესაძლებელია მონიშნული ჩანაწერების ერთდროულად წაშლა, ხოლო სხვა ფორმებში მონიშვნა გამოიყენება ჩანაწერთა გასაფილტრად. ცალკეული ჩანაწერის (ან შერჩევით) მოსანიშნად გამოიყენება Space-კლავიში. მონიშვნა შესაძლებელია აგრეთვე კლავიშთა კომბინაციით: "Control+A". ინვერსია არის სისტემისათვის დამახასიათებელი სტანდარტული ბრძანება, რომელიც გვხვდება ყველა იმ მოდულის მენიუს ზოლში, სადაც არის მონიშვნა და მოხსნა. ბრძანების გამოყენებით ხდება მონიშნული ჩანაწერებისათვის მონიშვნის მოხსნა, ხოლო დანარჩენი (მოუნიშნავი) ჩანაწერების მონიშვნა. ინვერსია შესაძლებელია აგრეთვე კლავიშთა კომბინაციით:... დაწვრილებით
გაშლა, შეკუმშვა	გაშლა არის სისტემისათვის დამახასიათებელი სტანდარტული ბრძანება, რომელიც გვხვდება ყველა იმ მოდულის მენიუს ზოლში, სადაც არის შეკუმშვა.ბრძანების გამოყენებით ხდება ფორმის შეკუმშული ყველა სტრიქონის ეკრანზე სრულად გაშლა (გაფართოება). შეკუმშულ სტრიქონებს ფორმებში მარცხნივ (წინ) აქვთ საკუთარი გაფართოების "+" ღილაკი, რომელის გამოყენებითაც გაფართოვდება მხოლოდ ეს სტრიქონი. შეკუმშვა არის სისტემისათვის დამახასიათებელი სტანდარტული ბრძანება, რომელიც გვხვდება ყველა იმ მოდულის მენიუს ზოლში, სადაც არის გაშლა. ბრძანების გამოყენებით ხდება ფორმის ყველა გაფართოებული სტრიქონის ეკრანზე სრულად შეკუმშვა. გაფართოებულ სტრიქონებს ფორმებში მარცხნივ (წინ) აქვთ საკუთარი შეკუმშვის "-" ღილაკი, რომელის გამოყენებითაც შეიკუმშება მხოლოდ ეს სტრიქონი.
ბეჭდვა	ბეჭდვა არის სისტემისათვის დამახასიათებელი სტანდარტული ბრძანება, რომელიც გვხვდება თითქმის ყველა მოდულის მენიუს ზოლში და კონტექსტურ მენიუში. ბეჭდვა გვხვდება აგრეთვე დიალოგური ფანჯრების უმეტესი ნაწილის მენიუს ზოლშიც. ბეჭდვა სხვადასხვა მოდულის მენიუს ზოლში წარმოდგენილია სხვადასხვა ფორმით: კერძოდ, მარტივი ღილაკის, ჩამონათვალის ღილაკისა და კომბინირებული ღილაკის ფორმით. ბეჭდვის ბრძანების გამოყენებით ხდება კონკრეტული საბუთის, ფორმის და ა.შ. დაბეჭდვა. ბეჭდვა შესაძლებელია აგრეთვე კლავიშთა კომბინაციით: "Control+P".
დამატება	დამატება არის სისტემისათვის დამახასიათებელი სტანდარტული ბრძანება, რომელიც გვხვდება თითქმის ყველა მოდულის მენიუს ზოლში და კონტექსტურ მენიუში. დამატება გვხვდება აგრეთვე დიალოგური ფანჯრების უმეტესი ნაწილის მენიუს ზოლშიც. დამატების ბრძანების გამოყენებით, ეკრანზე გამოდის დიალოგური ფანჯარა, რომელიც სხვადასხვა ფორმისათვის სხვადასხვაა. დიალოგური ფანჯრის ველების შევსებისა და შენახვის შემდეგ ხდება ახალი ჩანაწერის დამატება იმ ფორმაში, სადაც იმყოფება მომხმარებელი. დამატების დიალოგური ფანჯრის გამოძახება შესაძლებელია აგრეთვე კლავიშთა კომბინაციით: "Ctrl+I".
რედაქტირება	რედაქტირება არის სისტემისათვის დამახასიათებელი სტანდარტული ბრძანება, რომელიც გვხვდება თითქმის ყველა მოდულის მენიუს ზოლში და კონტექსტურ მენიუში. რედაქტირება გვხვდება აგრეთვე დიალოგური ფანჯრების უმეტესი ნაწილის მენიუს ზოლშიც. რედაქტირების ბრძანების გამოყენებით, ეკრანზე გამოდის დიალოგური ფანჯარა, რომელიც იმავე ფორმაში არსებული დამატების დიალოგური ფანჯრის იდენტურია. დიალოგური ფანჯრის ველებში ცვლილებების შეტანისა და შენახვის შემდეგ ხდება შეცვლილი ჩანაწერის ასახვა იმ ფორმაში, სადაც იმყოფება მომხმარებელი. რედაქტირების დიალოგური ფანჯრის გამოძახება შესაძლებელია აგრეთვე კლავიშთა კომბინაციით: "Ctrl+E".
შენახვა	შენახვა არის სისტემისათვის დამახასიათებელი სტანდარტული ბრძანება, რომელიც გვხვდება თითქმის ყველა მოდულის მენიუს ზოლში და კონტექსტურ მენიუში. შენახვა გვხვდება აგრეთვე დიალოგური ფანჯრების უმეტესი ნაწილის მენიუს ზოლშიც. შენახვის ბრძანების გამოყენებით ხდება ახალი ჩანაწერის ან განხორციელებული ცვლილებების დამახსოვრება და იმ ფორმაში ასახვა, სადაც იმყოფება მომხმარებელი. შენახვა შესაძლებელია აგრეთვე კლავიშთა კომბინაციით: "Ctrl+S".
წაშლა	წაშლა არის სისტემისათვის დამახასიათებელი სტანდარტული ბრძანება, რომელიც გვხვდება თითქმის ყველა მოდულის მენიუს ზოლში და კონტექსტურ მენიუში. წაშლის ბრძანების გამოყენებით (ან კლავიშთა კომბინაციით: "Ctrl+D") ხდება ფორმაში მონიშნული ჩანაწერის წაშლა. ამ დროს ეკრანზე გამოდის გამაფრთხილებელი შეტყობინება: თანხმობის მიცემის შემთხვევაში (Yes ღილაკი) მონიშნული ჩანაწერი წაიშლება ბაზიდან. თუ გადავიფიქრეთ მონიშნული ჩანაწერის წაშლა, უნდა დავაჭიროთ ღილაკს No.
გაუქმება, დაბრუნება, აღდგენა	გაუქმება, დაბრუნება* და აღდგენა** არის სისტემისათვის დამახასიათებელი სტანდარტული ბრძანებები, რომლებიც გვხვდება ზოგიერთი მოდულის მენიუს ზოლში. მათი გამოყენებით ხდება დაუსრულებელი ოპერაციის (შენახვამდე) უარყოფა და საწყის მდგომარეობაში დაბრუნება. გაუქმების კერძო შემთხვევაა "მიმდინარე ჩანაწერის გაუქმება", ბრძანება გვხდება კონტექსტური მენიუს ჩამონათვალში და ბრძანების დახმარებით უქმდება მხოლოდ ერთი კონკრეტული ჩანაწერი. * დაბრუნება გამოდის ზოგიერთ ფორმაში ბრძანებაზე "რედაქტირება" დაწკაპების შემდეგ. აღდგენა** გამოდის ზოგიერთ ფორმაში ბრძანებებზე "დამატება" და "რედაქტირება" დაწკაპების შემდეგ
გასვლა	გასვლა არის სისტემისათვის დამახასიათებელი სტანდარტული ბრძანება, რომელიც გვხვდება თითოეული მოდულის მენიუს ზოლში. ბრძანების გამოყენებით ხდება იმ ფორმიდან გასვლა, რომელშიც იმყოფება მომხმარებელი. ფორმიდან გასვლა შესაძლებელია აგრეთვე კლავიშთა კომბინაციით: "Alt+X".
კოპირება	კოპირება არის სისტემისათვის დამახასიათებელი სტანდარტული ბრძანება, რომელიც გვხვდება ზოგიერთი მოდულის მენიუს ზოლში და კონტექსტურ მენიუში. კოპირებას იყენებენ მაშინ, როცა საჭიროა უკვე არსებული ჩანაწერის (ბუღალტრული გატარება) მსგავსი ჩანაწერის გაკეთება (დუბლირება). კოპირების დროს ეკრანზე გამოდის კონკრეტული ოპერაციის დამატების ფორმა, სადაც მომხმარებელი ცვლის მხოლოდ იმ ჩანაწერებს, რომელიც განსხვავებული იქნება ამ ოპერაციისათვის დანარჩენს კი დატოვებს უცვლელად, რაც ზრდის ოპერაციის შესრულების სისწრაფეს, ზოგავს მომხმარებლის ენერგიას და დროს. ჩანაწერის კოპირება შესაძლებელია აგრეთვე კლავიშთა კომბინაციით: "Ctrl+Alt+C"
ყველა	ყველ-არის სისტემისათვის დამახასიათებელი სტანდარტული ბრძანება, რომელიც გვხვდება მენიუს ზოლში. ბრძანების გამოყენებით ხდება ფორმაში მოცემული მონაცემების სრულად გამოტანა, რომელშიც იმყოფება მომხმარებელი.
გაყიდული	გაყიდული-არის სისტემისათვის დამახასიათებელი სტანდარტული ბრძანება, რომელიც გვხვდება მენიუს ზოლში. ბრძანების გამოყენებით ხდება გაფილტვრა ფორმაში რეალიზებული საქონლის მიხედვით, რომელშიც იმყოფება მომხმარებელი.
უპირატესი	უპირატესი არის კონტექსტური მენიუს ბრძანება. ბრძანების გამოყენებით, მოცემულ ცხრილში მონიშნული ჩანაწერი გახდება უპირატესი, რაც იმას ნიშნავს, რომ სხვა ფორმებში ანალოგიური ჩანაწერების ჩამონათვალში (Combo Box) ეს ჩანაწერი ავტომატურად იქნება არჩეული. „უპირატესი“ სტატუსის მქონე ჩანაწერი ყოველთვის ცხრილის სათავეშია და სხვა ფერით არის აღნიშნული. უპირატესი სტატუსის მინიჭება არ შეიძლება შეჩერებული სტატუსის მქონე ჩანაწერზე.
Close	close არის სისტემისათვის დამახასიათებელი სტანდარტული ბრძანება, ბრძანების გამოყენებით ხდება იმ ფანჯრის დახურვა, რომელშიც იმყოფება მომხმარებელი.
Exit	Exit არის სისტემისათვის დამახასიათებელი სტანდარტული ბრძანება, ბრძანების გამოყენებით ხდება იმ ფანჯრის დახურვა, რომელშიც იმყოფება მომხმარებელი.
ბლოკირება, ბლოკირების მოხსნა	ბლოკირება არის სისტემისათვის დამახასიათებელი სტანდარტული ბრძანება, რომელიც გვხვდება ძირითადად კონტექსტურ მენიუში. ბრძანების გამოყენებით ხდება ჩანაწერის დაბლოკვა და მისი წაშლა შეუძლებელი ხდება. ბლოკის მოხსნა არის სისტემისათვის დამახასიათებელი სტანდარტული ბრძანება, რომელიც გვხვდება ძირითადად კონტექსტურ მენიუში. ბრძანების გამოყენებით ხდება ჩანაწერისათვის ბლოკის მოხსნა.
კომენტარები	კომენტარები არის სისტემისათვის დამახასიათებელი სტანდარტული ბრძანება, რომელიც გვხვდება კონტექსტურ მენიუში. ბრძანების გამოყენებით ეკრანზე გამოდის დიალოგური ფანჯარა "კომენტარები", ფანჯარას აქვს მენიუს ზოლი შემდეგი ბრძანებებით: დამატება, დამატება ქვედა დონეზე და გასვლა.ფანჯარა შედგება ორი ნაწილისაგან: მარცხენა ნაწილში მოცემულია შექმნილი კომენტარების "ხე" მომხმარებლისა და შექმნის დროის მითითებით. მარჯვენა ნაწილში ჩანს იმ კომენტარის შესაბამისი ტექსტი, რომელიც მონიშნულია მარცხენა ნაწილში. კომენტარის ტექსტის შეტანა ხდება ისე როგორც "შენიშვნის" შემთხვევაში. ფანჯრის მარცხენა ნაწილში მოქმედებების შესრულება შესაძლებელია აგრეთვე, კონტექსტური მენიუს საშუალებით. კომენტარის წაშლისას პირველად იშლება ქვედა დონის კომენტარი.
შენიშვნა	შენიშვნა არის სისტემისათვის დამახასიათებელი სტანდარტული ბრძანება, რომელიც გვხვდება როგორც სისტემის ცალკეული მოდულის მთავარი მენიუს ზოლში, ასევე კონტექსტურ მენიუში. ბრძანების გამოყენებით ეკრანზე გამოდის დიალოგური ფანჯარა "შენიშვნა (დამატება)", რომელსაც აქვს ტექსტის ჩასაწერი ველი, სადაც შეიძლება სხვადასხვა მინიშნებების გაკეთება ძირითადი ჩანაწერისათვის (მაგ. ბუღალტრული გატარებისათვის), რომელიც გამოჩნდება ცხრილის სვეტში "შენიშვნა". ფანჯარას აქვს სტანდარტული ბრძანებები: შენახვა, გასვლა. ჩანაწერის შეცვლა ხდება ბრძანებაზე განმეორებით დაჭერის შემდეგ, ამ დროს ეკრანზე გამოდის დიალოგური ფანჯარა "შენიშვნა (რედაქტირება)", ხოლო ბლოკირებული ჩანაწერის შემთხვევაში-"შენიშვნა (ნახვა)".
გაჩერება	-მთავარ მენიუში, -კონტექსტურ მენიუში გაჩერება არის სისტემისათვის დამახასიათებელი სტანდარტული ბრძანება, რომელიც მენიუს ზოლში ჩნდება განახლებაზე ბრძანების გამოყენების შემდეგ, იმ შემთხვევაში, როდესაც ხდება დიდი მოცულობის ინფორმაციის განახლება. ბრძანებით ხდება განახლების პროცესის შეჩერება. განახლების გაჩერება შესაძლებელია აგრეთვე კლავიშთა კომბინაციით: "Ctrl+R".
პროცესის შეწყვეტა	პროცესის შეწყვეტა არის კონტექსტური მენიუს ბრძანება, რომელიც აქტიურდება განახლების ბრძანების გამოყენების შემდეგ, იმ შემთხვევაში, როდესაც ხდება დიდი მოცულობის ინფორმაციის განახლება. ბრძანებით ხდება განახლების პროცესის შეჩერება-ასრულებს იგივე ფუნქციას, რასაც ბრძანება გაჩერება.
Excel	-ბრძანება, რომელიც უზრუნველყოფს მონაცემების გადატანას Excel-ში. ძირითადად გვხვდება პივოტური ცხრილების მთავარ მენიუში.
მიმაგრებული ფაილი	მიმაგრებული ფაილი არის სისტემისათვის დამახასიათებელი სტანდარტული ბრძანება, რომელიც გვხვდება კონტექსტურ მენიუში. ბრძანების გამოყენებით ეკრანზე გამოდის ფანჯარა "Attachments", სადაც შესაძლებელია ჩანაწერზე სასურველი ფაილების მიბმა და შენახვა:
იმპორტი	-ბრძანება, რომელიც უზრუნველყოფს კონკრეტულ ჩანაწერზე (მაგალითად, შეკვეთა) წინასწარ მომზადებული Excel-ის ფაილიდან, მოწყობილობიდან ან მონაცემთა ბაზიდან ინფორმაციის გადაწერას (ზედ გადააწერს).