"რაოდენობის რედაქტირება/ულუფის გაუქმება"-მაგიდის მენიუში ბრძანება "რაოდენობის რედაქტირება" ფერმკრთალი ფერით არის წარმოდგენილი, შესაბამისად ბრძანება არ არის აქტიური. მაგიდაზე საქონლის დამატების შედეგად ბრძანება აქტიურდება შეკვეთის ბარში ან სამზარეულოში გადაცემამდე, ხოლო შეკვეთის გადაცემის შემდეგ კი გარდაიქმნება ბრძანებად "ულუფის გაუქმება". 

 

"რაოდენობის რედაქტირება"-აქტიურ მაგიდაზე შესაძლებელია მომხმარებლის მიერ შეკვეთილი საქონლის რაოდენობის რედაქტირება, თუ შეკვეთა ჯერ არ არის გადაცემული შესასრულებლად. ვაფიქსირებთ საქონელს და ვაწკაპებთ ბრძანებაზე "საქონლის რედაქტირება", შედეგად ეკრანზე გამოდის დიალოგური ფანჯარა: 

• რაოდენობა-სვეტი განკუთვნილია საქონლის რაოდენობის მისათითებლად, ღილაკით ხდება საქონლის რაოდენობის დამატება, ხოლო ღილაკით მითითებული რაოდენობის შემცირება. ფანჯარა არ მოგცემთ საშუალებას, რომ რაოდენობა იყოს ერთზე ნაკლები, თუ გსურთ საქონლის რაოდენობის განულება გამოიყენეთ ბრძანება საქონლის წაშლა;
• საქონლის რაოდენობა-საქონლის არსებული რაოდენობა შეგვიძლია შევცვალოთ, ღილაკებზე მითითებული რაოდენობის მიხედვით (+2 საქონლის არსებული რაოდენობა იზრდება ორი ერთეულით; +5 საქონლის არსებული რაოდენობა იზრდება ხუთი ერთეულით; -2 საქონლის რაოდენობაში დარჩება ორი ერთეული ; -5 საქონლის რაოდენობაში დარჩება ხუთი ერთეული; 0,5-ის დამატება ხდება იმ შემთხვევაში, თუ საქონელს მითითებული აქვს დაშლა "Apex ERP" ცნობარები=>რეგისტრირებული საქონელი);

საქონლის შეკვეთაში რედაქტირების დასაფიქსირებლად, აუცილებელია "OK" ან "Enter" ღილაკით დადასტურება, ხოლო ღილაკი "Cancel" აუქმებს ბრძანებას. 

რაოდენობის რედაქტირების შემდეგ, აუცილებლობას წარმოადგენს საქონლის შეკვეთის გადაცემას ბარში ან სამზრეულოში (ბრძანებით ბეჭდვა ავტომატურად გადაეცემა ამონაბეჭდი შესაბამის განყოფილებას). 

 

 

 

"ულუფის გაუქმება"-მენიუში ბრძანება აქტიურდება, შეკვეთის ბარში ან სამზარეულოში გადაცემის შემდეგ. ვაფიქსირებთ საქონელს და ვაწკაპებთ ბრძანებაზე"ულუფის გაუქმება", შედეგად ეკრანზე გამოდის დიალოგური ფანჯარა: 

 

როდესაც საქონლის რაოდენობაში მითითებული რაოდენობა აღემატება ერთს, ბრძანებით შესაძლებელია, როგორც ულუფის გაუქმება ასევე მითითებული რაოდენობის შემცირება (მაგ: თუ საქონლის რაოდენობაში მითითებულია 5 ცალი და გვსურს შევამციროთ რაოდენობა 2-ით მაშინ გასაუქმებელ რაოდენობაში უნდა მივუთითოთ 3). 

*შენიშვნა-ულუფის გაუქმების ბრძანება საქონლის რაოდენობის გაზრდის საშუალებას არ იძლევა. 

შეკვეთაში განხორციელებული ცვლილების დასაფიქსირებლად, აუცილებელია "OK" ღილაკით დადასტურება, ხოლო ღილაკი "Cancel" აუქმებს ბრძანებას. 

ულუფის გაუქმების შემდეგ, აუცილებლობას წარმოადგენს საქონლის შეკვეთის განმეორებით გადაცემას ბარში ან სამზარეულოში (ბრძანებით ბეჭდვა ავტომატურად გადაეცემა ამონაბეჭდი შესაბამის განყოფილებას).