ცხრილში მონაცემების ძებნა შესაძლებელია სხვადასხვა საშუალებებით:

• ძებნის პანელიდან ხდება ცხრილის ყველა სვეტში ერთდროულად ძებნა. ძებნის პანელის გამოტანა ხდება სვეტის სათაურზე გამომავალი კონტექსტური მენიუს ბრძანებაზე "ძებნის პანელის გამოჩენა" დაჭერით, ხოლო მის ადგილზე ჩნდება ბრძანება "ძებნის პანელის დამალვა":

ძებნის პანელი შედგება საძებნი სიტყვის შესაყვანი ველისგან და ორი ღილაკისგან: ძებნა და წაშლა. ძებნის ველში ტექსტის ჩაწერის დროს ავტომატურად ხდება ძებნა მთელ ცხრილში (ყველა სვეტში), ცხრილის მონაცემები იფილტრება, ხოლო მოძებნილი დამთხვევები ყვითლად მოინიშნება ცხრილში. 

თუ ძებნის ველში ტექსტის (რიცხვის) აკრეფის შემდეგ დააჭერთ ღილაკზე "ძებნა", მაშინ ფორმიდან გასვლამდე ცხრილი შეინახავს ძებნის ყველა ტექსტს. მათი გამოძახება შეიძლება ძებნის ველის მარჯვენა კიდეში მოთავსებული ჩამოშლის ღილაკის მეშვეობით. 

ძებნის ველში შეყვანილი ტექსტის წაშლა შესაძლებელია ხელით (ველში მონიშნული სიტყვის წასაშლელად შეიძლება დააჭიროთ კლავიშებს: "Delete", "Backspace") ან "წაშლა" ღილაკის გამოყენებით, თუმცა ჩამოშლილ ჩამონათვალში კვლავ დარჩება. თუ გინდათ ტექსტების საერთოდ ამოშლა, მაშინ რიგ-რიგობით დააჭირეთ ჩამონათვალში მონიშნული ტექსტის მარჯვენა კუთხეში არსებულ წითელ ღილაკზე, ან გადით ფორმიდან.

• ძებნა შესაძლებელია სათაურის პანელის ღილაკზე (ან ცხრილის სათაურზე) გამომავალი კონტექსტური მენიუს ბრძანებაზე "ძებნა (Shift, Control+F)" დაჭერით:

ეკრანზე გამოვა ძებნის ფანჯარა: 

ზედა ტექსტურ ველში იწერება საძებნი სიტყვა (სიტყვის ან ტექსტის ფრაგმენტი), ქვედა ტექსტურ ველში კი ვირჩევთ იმ სვეტის დასახელებას, სადაც უნდა მოხდეს ძებნა. ქვევით არის გადართვის ღილაკები, რომელთაც გააჩნიათ შემდეგი მნიშვნელობები:

• Contains - ეძებს ტექსტს, რომელიც შეიცავს ძებნის ველში ჩაწერილ სიტყვას;
• Begins With - ეძებს ტექსტს, რომელიც იწყება საძებნი სიტყვით;
• Ends With – ეძებს ტექსტს, რომელიც მთავრდება საძებნი სიტყვით;

• ფილტრი – თუ ამ გადამრთველზეა გადართული, ძებნაზე დაჭერისას ხდება მონაცემების გაფილტვრა;
• ძებნა – თუ ამ გადამრთველზეა გადართული, ძებნაზე დაჭერისას ეძებს პირველ ჩანაწერს, რომელიც შეიცავს (იწყება, მთავრდება) საძებნ სიტყვას. თუ დავაჭერთ ყველას ძებნას, ძებნის ფორმის ქვევით გამოჩნდება ცხრილი, სადაც ყველა ის მნიშვნელობა იქნება, რომელიც აკმაყოფილებს ძებნის კრიტერიუმებს. ამ ცხრილში სტრიქონის მონიშვნისას ძირითად ცხრილში მოინიშნება შესაბამისი სტრიქონი:

ფილტრის გასუფთავება – თუ ცხრილი გაფილტრულია, ამ ღილაკზე დაჭერისას ფილტრი სუფთავდება და ცხრილი გამოდის სრული სახით, ხოლო საძებნი სიტყვის ველში შეყვანილი მნიშვნელობები რჩება მეხსიერებაში და შეგვიძლია ავირჩიოთ ჩამოსაშლელი ღილაკის მეშვეობით. თუ გვინდა ცალკეული შეყვანილი მნიშვნელობის ამოშლა ფილტრიდან, ამისათვის საკმარისია დააჭიროთ ჩამოშლილი მნიშვნელობების ჩამონათვალში მონიშნული მნიშვნელობის მარჯვენა კუთხეში არსებულ წითელ ღილაკზე. 

თუ ჩართულია ღილაკი (ალამი) „ინტერაქტიული ძებნა“, საძებნი სიტყვის ველში ცვლილების შეტანისას ძებნის (გაფილტვრის) ოპერაცია ხორციელდება ავტომატურად ძებნის ღილაკზე დაჭერის გარეშე. 

ძებნის ფორმიდან გასვლის შემდეგ ფილტრის ყველა ჩანაწერი ამოიშლება მეხსიერებიდან. გასვლა ხორციელდება ღილაკზე "გასვლა" დაჭერით ან კლავიატურიდან Escape კლავიშით.